ބަޑިބޭސްކަމަށް ޝައްކުކުރެވޭ އެއްޗެހިތަކަކާއެކު މީހަކު ހައްޔަރުކޮށްފި
ހައްޔަރު ކޮށްފައިވަނީ 37 އަހަރުގެ ދިވެހި ފިރިހެނެއް
އޮޕަރޭޝަނެއްގައި ފުލުހަކު މޫނު ނިވާކޮށްގެން ހަރަކާތްތެރިވަނީ
ބަޑިބޭސްކަމަށް ޝައްކުކުރެވޭ އެއްޗެހިތަކަކާއެކު 37 އަހަރުގެ ދިވެހި ފިރިހެނަކު ހައްޔަރުކޮށްފިއެވެ.
ފުލުހުން ބުނީ ސެޕްޓެމްބަރު 23 ވަނަ ދުވަހު ފަރީދީ މަގު, ހިލާލީގެ ކައިރީގައި މިމީހާ ހުރިއިރު އަމަލުތައް ހުރި ގޮތުން، ފުލުހުން ގޮސް އޭނާ ބަލާ ފާސްކުރުމުން އޭނާގެ އަތުން ބަޑިބޭސް ކަމަށް ޝައްކުކުރެވޭ އެއްޗެހިތަކެއް ފެނިފައިވާކަމަށެވެ. އަދި އެދުވަހުގެ 3:50 ހާއިރު އޭނާ ހައްޔަރުކޮށްފައިވާކަމަށް ފުލުހުން ބުންޏެވެ.
ފުލުހުން ބުނީ އޭނާ ދިރިއުޅޭގެ ފުލުހުން ބަލާ ފާސްކުރުމުން އެގެއިންވެސް ފުލުހުންނަށް ވަނީ ބަޑިބޭސް ކަމަށް ޝައްކުކުރެވޭ އެއްޗެހިތަކެއް ފެނިފައިކަމަށެވެ. އަދި އޭނާގެ ބަންދަށް ކްރިމިނަލް ކޯޓުން ވަނީ ހަތް ދުވަސް ޖަހާދީފައިކަމަށް ފުލުހުން ބުންޏެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
