ލަންކާގައި މޫނުބުރުގާ އެޅުން މަނާކޮށްފައި އޮތް އޮތުން އުވާލައިފި
މޫނުފޮރުވުން މަނާކޮށްފައިވަނީ އޭޕްރީމް މަހުގެ 28 ވަނަ ދުވަހު
ބަޔަކު މޫނު ބުރުގާ އަޅައިގެން
ސްރީލަންކާގެ އީސާއީ ދީނުގެ މީހުން އަޅުކަންކުރާ ފައްޅިތަކުގެ އިތުރުން މަތީ ފަންތީގެ ހޮޓާތަކަށް އޭޕްރީލް މަހުގެ 21 ވަނަ ދުވަހު ދިން ހަމަލާއަށް ފަހު އެގައުމުގައި ކާކުކަން ނޭގެ ގޮތަށް މޫނު ފޮރުވުން މަނާކޮށްފައި އޮތް އޮތުން އުވާލައިފިއެވެ.
އީސްޓާ ހަމަލާ އަށް ފަހު އެ ގައުމުގައި ކުއްލި ހާލަތު އިއުލާން ކޮށް ސަލާމަތީ ފިޔަވަޅެއްގެ ގޮތުން މޫނު ފޮރުވުމާއި، މޫނު ބުރުގާ އެޅުން މަނާކޮށްފައިވަނީ އޭޕްރީލް މަހުގެ 28 ވަނަ ދުވަހުއެވެ. އ އާދިއްތަ ދުވަހު ލަންކާގެ ފުލުހުންގެ ހެޑްކުއާޓާއާ ހަވާލާދީ އެގައުމުގެ ނޫސްތަކުން ރިޕޯޓްކޮށްފައިވާ ގޮތުން ކުއްލި ހާލާތަށް މިހާރު އަމަލު ކުރަމުން ނުދާތީވެ ''ނިގާބް'' އާއި ''ބުރުގާ'' އަޅައިގެން މަނާކޮށްފައި އޮތް އޮތުން އުވާލާފައިވާ ކަމަށެވެ.
އެ ނޫހުން ބުނީ، އެ ގަވާއިދު އުވާލިކަން ހާމަކޮށްފައިވަނީ ފުލުހުންގެ އިސްވެރިއެއް ކަމަށްވާ އަޖިތް ރޮހާނާ މުސްލިމް އެންޑް ރިލީޖިއަސް އެފެއާސް މިނިސްޓަރު މުހައްމަދު ހަލީމް އަށް ފޮނުވި ސިޓީއެއްގައި ކަމަށެވެ. އަދި އެ ސީޓީ ލިބިފައިވާ ކަން މިނިސްޓަރު ވަނީ އެ ނޫހަށް ކަށަވަރު ކޮށްދެއްވާފައެވެ.
