ހުކުރު 20 ސެޕްޓެންބަރ 2019
14 އުތުރަ
1441 މަހައްރަމް 21
ފަތިސް 04:43
އިރުއަރާ 05:54
މެންދުރު 12:04
އަސްރު 15:06
މަޣްރިބް 18:05
އިޝާ 19:16
ކުޅިވަރު - އާޓިޔޮމް ޒިޔޫބާ

އެވަޓަންގެ ހުށަހެޅުން އާޓިޔޮމް ޒިޔޫބާ ރިޖެކްޓްކޮށްފި

  • ޒެނިތު ދޫކޮށްލުމުގެ ވިސްނުމެއް ޒިޔޫބާ މިވަގުތު ނުގެންގުޅޭ

ލީވާން އަލީ
MrLeevaan

ކ. މާލެ 12 ސެޕްޓެންބަރ 2019 | ބުރާސްފަތި 02:07 1,393

އާޓިޔޮމް ޒިޔޫބާ - ގެޓީ އިމޭޖާސް

އެވަޓަންގެ ހުށަހެޅުން ރަޝިއާގެ ޒެނިތަށް ކުޅެމުން އަންނަ އާޓިޔޮމް ޒިޔޫބާ ރިޖެކްޓްކޮށްފިއެވެ.

ޒިޔޫބާ ބުނީ، އެވަޓަންއިން އޭނާއަށް ޝައުގުވެރިވުމަކީ ބަލައިގަންނަ ކަމެއް ކަމަށާއި، ނަމަވެސް ޒެނިތު ދޫކޮށްލުމުގެ ވިސްނުމެއް މިވަގުތު ނުގެންގުޅޭ ކަމަށެވެ.

އެގޮތުން އޭނާ ބުނީ، މިދިޔަ ފަހަރުވެސް ކްލަބް ދޫކޮށްލަން ނުވިސްނާ މަޑުކުރުމުން ލީގު ތަށިވެސް ކާމިޔާބުވި ކަމަށާއި، އެއީ އެވަގުތު ނިންމުނު އެންމެ ރަނގަޅު ނިންމުންކަން ދޭހަވާ ކަމަށެވެ.

އުމުރުން 31 އަހަރުގެ ޒިޔޫބާ އޭނާގެ ފުޓުބޯޅަ ކެރިޔަރު ފެށީ 2006 ވަނަ އަހަރު ސްޕާޓަކް މޮސްކޯއިންނެވެ. އޭނާ ވަނީ އެ ކްލަބަށް ކުޅުނު 166 މެޗުގައި 38 ލަނޑު ކާމިޔާބުކޮށްފައެވެ. އަދި އޭނާ ވަނީ އެޓީމުގައި ހުރެ ޓޮމް ޓޮމްސްކްގެ އިތުރުން ރޮސްޓޮވްއަށް ލޯން އެއްބަސްވުމެއްގެ ދަށުން ކުޅެފައެވެ.

ޒެނިތަށް ޒިޔޫބާ ބަދަލުވީ 2015 ވަނަ އަހަރުގެ ސީޒަނުގައެވެ. އޭނާ ވަނީ އެ ކްލަބަށް މިހާތަނަށް ކުޅުނު 138 މެޗުގައި 52 ލަނޑު ކާމިޔާބުކޮށްފައެވެ. އަދި އޭނާ ވަނީ އެ ކްލަބާއެކު ލީގު އަދި ރަޝިއަން ކަޕްގެ އިތުރުން ރަޝިއަން ސުޕަކަޕްވެސް ކާމިޔާބުކޮށްފައެވެ.

މިދިޔަ ސީޒަނުގައި ރަޝިއަން ޕްރިމިއާ ލީގުގެ އެންމެ މޮޅު ކުޅުންތެރިޔާގެ މަގާމު ހޯދާފައިވާ ޒިޔޫބާ ވަނީ ރަޝިއާ ގައުމީ ޓީމަށް މިހާތަނަށް ކުޅުނު 37 މެޗުގައި 21 ލަނޑު ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 1 ހަފްތާކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް