އެއް ދާއިރާއެއްގެ މީހުން ގުޅިގެން މަސައްކަތްކުރުން މުހިއްމު: މެޑަމް ފަޒްނާ
9 ސެޕްޓެމްބަރު 2019 | ހޯމަ 07:32އެމީހަކަށް ލިބިފައިވާ ހުނަރެއް އެކަކު އަނެކަކާ ހިއްސާ ކުރުމަކީ މުހިއްމު ކަމެއް ކަމުގައި ވިދާޅުވި
\"ތިބާ ސައިކޮލޮޖީ\" ހުޅުވުމުގެ ރަސްމިއްޔާތު ޝަރަފުވެރިކޮށްދެއްވާ ވަހަކަ ދައްކަވަނީ
އެއް ދާއިރާއެއްގައި މަސައްކަތްކުރާ މީހުން އެކުގައި މަސައްކަތްކުރުން ވަރަށް މުހިއްމު ކަމަށް ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަހުމަދު ވިދާޅުވެއްޖެއެވެ.
ސައިކޮލޮޖީ ކްލިނިކެއް ކަމުގައިވާ "ތިބާ ސައިކޮލޮޖީ" ހުޅުވުމުގެ ރަސްމިއްޔާތު ޝަރަފުވެރިކޮށްދެއްވަމުން އާދިއްތަ ދުވަހުގެރޭ އެކަމަނާ ވިދާޅުވީ ޖަޒީރާ ރާއްޖޭގައި ތަޖުރިބާކާރުން އެހާ ގިނައިން ނެތް ކަމަށްވެފައި އެމީހަކަށް ލިބިފައިވާ ހުނަރެއް އެކަކު އަނެކަކާ ހިއްސާ ކުރުމަކީ މުހިއްމު ކަމެއް ކަމުގައެވެ.
މީގެ އިތުރުން، އެމީހެއްގެ ތަހުރިބާއާއި ލިބިގެންވާ ވަސީލަތްތައް ހިއްސާކުރުމުގެ މުހިއްމު ކަމަށްވެސް އެކަމަނާ ވަނީ އަލިއަޅުއްވާލައްވާފައެވެ. އަދި ތިބާ ސައިކޮލޮޖީ ކްލިނިކްގެ ފަރާތުން މިފަދަ ކަންކަމުގެ ވާހަކަ ފާހަގަކޮށްފައިވުމުން އެކަމާއިމެދު އުފާވެލައްވާ ކަމަށް އެކަމަނާ ވިދާޅުވެފައިވެއެވެ.
