އާއިލާއަށް ވަގުތުދޭންވެގެން ނިކީ މިނާޖް މިއުޒިކް އިންޑަސްޓްރީއާ ދުރަށް
އެމެރިކާ އަށް ބަދަލުވީ ފަސް އަހަރުގައި
ނިކީ މިނާޖް
ބުރާސްފަތި ދުވަހު ނިކީ މިނާޖް އޭނާގެ ފޭނުން ހައިރާން ކޮށްލީ އާއިލާ އަށް އިސްކަންދިނުމަށް ރެޕް އިންޑަސްޓްރީން ދުރަށްދާން ނިންމި ހަބަރުންނެވެ.
އުމުރުން 36 އަހަރުގެ ކާމިޔާބު ރެޕާ ކޮށްފައިވާ ޓްވީޓެއްގައި ބުނީ، އާއިލާ އެއް ބިނާކުރުމަށް މިއުޒިކް އިންޑަސްޓްރީއާ ދުރަށްދާން ނިންމާފައިވާ ކަމަށެވެ. ތާއީދުކުރާ ފަރާތްތަކުން އަބަދު ވެސް އެގޮތުގައި ދެމި ތިބުމަށާއި އަބަދުވެސް ފޭނުން ދެކެ ލޯބިވާ ކަމަށް ނިކީ ކޮށްފައިވާ ޓްވީޓުގައި ވަނީ ބުނެފައެވެ.
''ސުޕަ ބޭސް'' ފަދަ މަޝްހޫރު ލަވަތަައް ކިޔާފައިވާ ނިކީ އެންގޭޖް ކޮށްގެން އުޅެނީ މިއުޒިކް އެކްޒެކެޓިވް ޕްރޮޑިއުސަރ ކެނެތް ޕެޓީއާ އެވެ. ކުރިއަށް އޮތް މަސްތަކުގެ ތެރޭގައި ކެނެތްއާ ކައިވެނި ކުރަން ނިންމާފައިވާ ކަމަށް ނިކީ ވަނީ މީގެ ކުރިން ބުނެފައެވެ.
ނިވާކަންކުޑަ ހެދުން ލައިގެން ވީޑިއޯ ލަވަތައް ކުޅޭ ނިކީގެ ''ސްޓާ ޝިޕް' ''ބޭންގް ބޭންގް'' އަދި ''އެނަކޮންޑާ'' އަކީ އޭނާގެ ވަކިތައް މިއުޒިކް އިންޑަސްޓްރީގައި ހިއްޕާލީ ލަވަތަކެވެ.
ޓްރިނިޑާޑް އެންޑް ޓޮބަގޯގެ ސެންޓް ޖޭމްސް ސިޓީ އަށް އުފަން ނިކީގެ އަސްލު ނަމަކީ އޮނިކާ ތާންޔާ މަރާޖްއެވެ. އެމެރިކާގެ ނިއުޔޯކްގެ ކުއީންސް އަށް އުމުރުން ފަސް އަހަރުގައި އާއިލާ އެކު ހިޖުރަކުރި ނިކީ މިނާޖް މިއުޒިން އިންޑަސްޓްރީގެ ދާއިރާ އަށް ވަނދެފައިވަނީ 2004 ވަނަ އަހަރުއެވެ.
