އިސްލާމިކް މިނިސްޓްރީގެ ޕާރމަނަންޓް ސެކެޓްރީ މުސްއަބު އަބްދުﷲގެ ސަސްޕެންޝަން 5 ވަނަ ފަހަރަށް އިތުރުކޮށްފިއެވެެ.
މުސްއަބުގެ ސަސްޕެންޝަން އިތުރު 15 ދުވަހަށް އިތުރު ކޮށްފައިވާއިރު، މުސްއަބް އެންމެ ފުރަތަމަ ސަސްޕެންޑް ކުރީ މެއި 29 ވަނަ ދުވަހުއެވެ. އޭރު ސިވިލް ސާރވިސް ކޮމިޝަން (ސީއެސްސީ)ގެ ސެކްރެޓަރީ ޖެނެރަލް އިބްރާހިމް ޒުހުރީ ވިދާޅުވީ، އެ ކޮމިޝަނުން ބަލަމުން އަންނަ މައްސަލައާ ގުޅިގެން މުސްއަބްގެ ސަސްޕެންޝަން 30 ދުވަހަށް އިތުރު ކޮށްފައިވާ ކަމަށާއި،މުސްއަބު ސަސްޕެންޑް ކޮށްފައިވަނީ އެ ކޮމިޝަނަށް ހުށައެޅިފައިވާ މައްސަލައަކާ ގުޅިގެން ކަމަށެވެ.
މުސްއަބުގެ ސަސްޕެންޝަން 5 ވަނަ ފަހަރަށް އިތުރުކޮށްފައިވާއިރު، ސީއެސްސީއިން ބަލަމުންދަނީ މި އަހަރު ހައްޖަށް މީހުން ގެންދިއުމަށް އިސްލާމިކް މިނިސްޓްރީ އިން ކުންފުނިތަކަށް ހުއްދަ ދިން ގޮތާ ގުޅޭ ގޮތުން ހުށައަޅާފައިވާ މައްސަލައެއް ކަމަށް މައުލޫމާތު ލިބެއެވެ.
ޕީއެސްގެ މަގާމަށް މުސްއަބު އައްޔަން ކޮށްފައި ވަނީ މިދިޔަ ސަރުކާރުންނެވެ. އޭނާ އެމަގާމަށް އައްޔަން ކޮށްފައިވަނީ 2017 ވަނަ އަހަރުގެ ޖުލައި މަހުގެ 27 ވަނަ ދުވަހުއެވެ.
