އެމްއާރުއެމް އުފެއްދުމަށް ބާއްވާ ޖަލްސާގައި ފާސްކުރާނެ އަސާސީ ގަވާއިދު އެކުލަވާލުމާއި ގުޅިގެން މަޝްވަރާ ކުރަނީ
7 ސެޕްޓެމްބަރު 2019 | ހޮނިހިރު 03:41މިހެން އެ ޕާޓީއިން ބުނެފައިވަނީ ހުކުރު ދުވަހު ކުރި ޓްވީޓެއްގަ
މަޝްވަރާތަކުގެ ތެރެއިން
މޯލްޑިވްސް ރިފޯމް މޫވްމަންޓް (އެމްއާރްއެމް) އުފެއްދުމަށް ބާއްވާ ޖަލްސާގައި ފާސްކުރާނެ އަސާސީ ގަވާއިދު އެކުލަވާލުމުގައި މަސައްކަތް ކުރިއަށް ގެންދާނެ ގޮތާއި ގުޅިގެން މަޝްވަރާ ކުރެވެމުންދާ ކަމަށް އެ ޕާޓީން ބުނެފިއެވެ.
އެ ޕާޓީ އިން މިހެން ބުނެފައިވަނީ ހުކުރު ދުވަހު ކުރި ޓްވީޓެއްގައެވެ.
އަދި މި ބައްދަލުވުންތަކުގައި އެމްއާރުއެމްގެ އަސާސީ ގަވާއިދާއި އެ ޕާޓީގެ މެނިފެސްޓޯ އެކުލުވުމުގައި މަސައްކަތް ކުރިއަށް ގެންދާނެ ގޮތާއި ބެހޭ ގޮތުން މަޝްވަރާ ކުރުން ހިމެނޭ ކަމަށް ވެސް އެ ޕާޓީ އިން ބުންޏެވެ.
ރައީސް މައުމޫން އިސްވެ ހުންނަވާ އެމްއާރުއެމް އުފެއްދުމަށް މަސައްކަތް ކުރައްވާއިރު އެ ޕާޓީ ވެގެންދާނީ އެމަނުކުފާނު އިސްވެ ހުންނަވާ އުފައްދަވާ ތިންވަނަ ޕާޓީއަށެވެ. އެންމެ ފުރަތަމަ ޕާޓީއެއް އުފައްދަވާފައިވަނީ 2008 ވަނަ އަހަރު ޑީއާރުޕީއެވެ.
އެމްއާރްއެމް އުފަައްދަން ބޭނުންވާ އަދަދު ހަމަކޮށް، އެ ޕާޓީ އިން އިލެކްޝަންސް ކޮމިޝަނަށް ފޯމް ހުށަހަޅާފައިވަނީ އޮގަސްޓް 22 ވަނަ ދުވަހުއެވެ. އިލެކްޝަންސް ކޮމިޝަނުން ބުނެފައިވަނީ އެމްއާރްއެމް އުފައްދަން ދީފައިވާ ހުއްދައިގެ ދަށުން 3313 މެމްބަރޝިޕް ފޯމް އެ ކޮމިޝަނަށް ހުށަހަޅާފައިވާ ކަމަށެވެ.
