ވޯލްޑް ކަޕް ކޮލިފައިންގައި ގުއާމް ބަލިކޮށް ރާއްޖެއިން ފެށުން ރަނގަޅުކޮށްފިއެވެ.

ބުރާސްފަތި ދުވަހު ކުޅުނު މެޗުން ގުއާމްއާ ވާދަކޮށް ރާއްޖެ މޮޅުވީ ނަތީޖާއަކުންނެވެ.

ގުއާމް އެފްއޭ ކޮމްޕްލެކްސްގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅެމުންދިޔައީ ރާއްޖެއިންނެވެ.

އެގޮތުން ރާއްޖެއިން ވަނީ ގުއާމްގެ ހާފަށް ބާރުބޮޑުކޮށް ހަމަލާތައް އުފައްދަން މަސައްކަތް ކޮށްފައެވެ. އަދި ރާއްޖެއަށް ވަނީ ލަނޑު ޖެހުމަށް ފުލުފުލުގައި ގިނަ ފުރުސަތުތަކެއްވެސް ލިބި ބޭކާރުވެފައެވެ.

މެޗުގައި ރާއްޖެއިން ލީޑު ނެގީ 26 ވަނަ މިނެޓުގައެވެ. މި ލަނޑު ކާމިޔާބުކުރީ އިބްރާހިމް މަހުދީ (ފޭދޫ އިއްބެ) އެވެ. މި ލަނޑަށްފަހުވެސް އޭނާއަށް ވަނީ ލީޑު ފުޅާ ކުރަން ފުރުސަތުތަކެއް ލިބި ބޭކާރުވެފައެވެ.

ފުރަތަމަ ހާފްގައި ގުއާމްގެ ފަރާތުން މާ އެދެވޭ ކުޅުމެއް ފެނިގެން ނުދާއިރު، ލަނޑު ޖެހުމަށްވެސް މާ އެދެވޭ ފުރުސަތުތަކެއް އެޓީމަށް ހޯދިފައެއް ނުވެއެވެ.

ދެވަނަ ހާފް ފެށިގެން ގުއާމްއިން ކުރިޔަށް ޖެހި އެޓޭކްތައް ކުރަން ފެށިއެވެ. ނަމަވެސް ރާއްޖެއިން ވަނީ ގުއާމްގެ ހަމަލާތައް ދިފާއުކޮށް މޮޅު ޑިފެންސެއް ކޮށްފައެވެ.

މި ހާފްގައިވެސް ރާއްޖެއަށް ލަނޑު ޖެހުމަށް ގިނަ ފުރުސަތުތަކެއް ލިބިފައިވާއިރު، ގިނަ ވަގުތު ބޯޅަވެސް ވަނީ ހިފަހައްޓައިގެން ކުޅެފައެވެ.

މެޗުގައި ރާއްޖެއިން ޒުވާން ގިނަ ކުޅުންތެރިންނަށް ފުރުސަތު ދީފައިވާއިރު، ޒުވާން ކުޅުންތެރިން ވަނީ މެޗުގައި މޮޅު ކުޅުމެއް ދައްކާފައެވެ. އަދި މުޅި މެޗުގައިވެސް ރާއްޖޭގެ ފަރާތުން ފެނިގެންދިޔައީ ރަނގަޅު ކުޅުމެކެވެ.

މި ނަތީޖާއާއެކު ރާއްޖެއިން ވަނީ ގްރޫޕްގައި ކުޅުނު ފުރަތަމަ މެޗުން ހޯދި މޮޅާއެކު ތިން ޕޮއިންޓް ހޯދާފައެވެ. ގްރޫޕްގައި ރާއްޖެ ކުޅޭ ދެވަނަ މެޗުގައި އަންނަ އަންގާރަ ދުވަހު އަމިއްލަ ގައުމުގައި ނިކުންނާނީ ޗައިނާއާ ދެކޮޅަށެވެ.

ކޮލިފައިންގައި ރާއްޖެ ހިމެނެނީ ގުއާމް އާއި ޗައިނާގެ އިތުރުން ސީރިއާ އާއި ފިލިޕިންސްއާއެކު އެއް ގްރޫޕެއްގައެވެ.