ދުނިޔޭގެ ބާޒާރުގައި މަހުގެ އަގު ބޮޑުތަނުން ވެއްޓުނު ނަމަވެސް މިފްކޯ އިން މަސް ގަންނަ އަގަށް ބަދަލެއް ނުގެންނަ ކަމަށް އެސްޓީއޯގެ މެނޭޖިން ޑިރެކްޓަރ ހުސައިން އަމްރު ވިދާޅުވެއްޖެއެވެ.

އަމްރު ވިދާޅުވީ ދުނިޔޭގެ ބާޒާރުގެ މަހުގެ އަގު ބޮޑުތަކުން މިހާރު ދައްވެފައިވިއަސް މިފްކޯ އިން ދަނީ މަސްވެރިންގެ އަތުން މަސް ގަންނަ އަގަށް ބަދަލެއް ނުގެންނަ ކަމަށާއި، ބާނާ ހުރިހާ މަހެއް ގައްނަމުންދާ ކަމަށެވެ.

އަމްރު މިހެން ވިދާޅުވީ ދުނިޔޭގެ ބާޒާރުގައި މަހުގެ އަގު ވަރަށް ބޮޑަށް ދަށްވެފައިވާތީ މާންދޫ ފިޝަރީޒް ކޮމްޕްލެކްސްއިން ދުވާލަކު 1ޓަނު މަސް ކިރާގޮތަށް ހަމަޖައްސާ، މިފްކޯއިން ފެލިވަރަށް ހަފްތާއަކު 3 ދުވަހު ކަމަށް ދެކެވޭ ވާހަކަތަކާ ގުޅިގެންނެވެ.

މިފްކޯ ނުހިންގި ބަނގުރޫޓުވުމުން، އެ ކުންފުނީގެ 300 މިލިއަން ރުފިޔާގެ ދަރަންޏާ ސަރުކާރުން ހަވާލުވެ އެތަން އެސްޓީއޯގެ ދަށަށް ބަދަލުކުރަން ނިންމީ 2016 ވަނަ އަހަރުގެ ސެޕްޓެމްބަރު މަހުގެ 26 ވަނަ ދުވަހުއެވެ. އޭގެ ފަހުން އެސްޓީއޯގެ ދަށުން މިފްކޯ ހިންގަމުން އަންނަތާ ތިން އަހަރު ވަނީއެވެ.