އެމްއެންޑީއެފްގެ ސީޓީސީ އިމާރާތް ބިނާކުރުމުގެ އެއްބަސް ވުމެއްގައި ސޮއިކޮށްފި
އެ މަސަތްކަތަށް 16،499،400 ރުފިޔާ ހޭދަވޭ
އެއްބަސްވުމުގައި ސޮއި ކުރުމަށް ބޭއްވުނު ބައްދަލުވުމުގެ ތެރެއިން
ޅ. މާފިލާފުށީގައި އިމާރާތްކުރާ ކޮމްޕޮޒިޓް ޓްރެއިނިންގ ސެންޓަރު (ސީޓީސީ)ގެ ފޭސް 1 އެނެކްސް ބިނާކުރުމުގެ މަސައްކަތާ ބެހޭ އެއްބަސްވުމެއްގައި ސޮއިކޮށްފިއެވެ.
އެމްއެންޑީއެފުން ބުނެފައިވަނީ މިނިސްޓްރީ އޮފް ޑިފެންސާއި ސިފައިންގެ ވެލްފެއަރ ކުންފުނި (ސިވެކް) އާ ދެމެދު މިއަދު ސޮއިކުރެވުނު މި އެއްބަސްވުމުގެ ދަށުން، ސީޓީސީ ފޭސް 1 އެނެކްސް ބިނާކުރުމުގެ މަަސައްކަތް، 197 ދުވަހުގެ ތެރޭގައި ފުރިހަމަކުރަންޖެހޭކަމަށެވެ. އަދި އެ މަސަތްކަތަށް 16،499،400 ރުފިޔާ ހޭދަވާކަމަށެވެ.
މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ ޑެޕިއުޓީ މިނިސްޓަރ ޙަސަން ޒަމީލެވެ. ސިވެކްގެ ފަރާތުން ސޮއިކުރެއްވީ އެ ކުންފުނީގެ އެމްޑީ ލެފްޓިނެންޓް ކާނަލް އަޙްމަދު ޒުބައިރެވެ.
ސީޓީސީއަކީ އިންޑިޔާ ސަރުކާރުގެ އެހީގެ ދަށުން ކުރިއަށް ގެންދާ މަޝްރޫޢެކެވެ.
