ސައުތް އޭޝިއަން ސްޕީކަރސް ސަމިޓްގެ ވަފުދު ރަސްދޫގައި
2 ސެޕްޓެމްބަރު 2019 | ހޯމަ 12:34ސަމިޓް ކުރިއަށްގެންދިއުމަށް ހަމަޖެހިފައި އޮތީ ސެޕްޓެންބަރު 1 ކުން 2 ކަށް
މަރުހަބާ ދެންނެވުމުގެ ކަންތައް ކުރިއަށް ދިޔަ ވަގުތު ރަސްދޫގެ ރައްޔިތުން ވަނީ ސަގާފީ ގިނަ ހަރަކާތްތަކެއް ދައްކާދީފައި
ސައުތް އޭޝިއަން ސްޕީކާރސް ސަމިޓްގައި ބައިވެރިވުމަށް ރާއްޖެ ވަޑައިގެން އުޅުއްވާ ޤައުމުތަކުގެ ޤާނޫނު ހަދާ މަޖިލީހުގެ ރައީސުން އއ. ރަސްދޫއަށް ވަޑައިގަންނަވައިފި އެވެ.
ރަސްދޫ އިން ވަނީ ކަނޑުމަތިން ވަފުދުގެ ބޭފުޅުންނަށް މަރުހަބާ ދެއްނެވުމުގެ ގޮތުން ވޯޓަރ ސްޕޯޓްސްގެ ހަރަކާތްތަކެއް ކުރިއަށް ގެންގޮސްފައެވެ. އަދި ރަސްދޫއަށް ފައިބާވަޑައިގަތުމާއެކު ރަސްދޫއިން ވަނީ ހަތްކޮޅާއެކު ހަރުބީގައި މި ބޭފުޅުންމަށް މަރުހަބާ ކިޔުމައްޓަކާ ހާއްސަ ކުރެވިފައިވާ މަންޒިލަށް ގެންގޮސްދީފައެވެ. މަރުހަބާ ދެންނެވުމުގެ ކަންތައް ކުރިއަށް ދިޔަ ވަގުތު ރަސްދޫގެ ރައްޔިތުންވަނީ ސަގާފީ ގިނަ ހަރަކާތްތަކެއް ދައްކާދީފައެވެ.
ވަފުދުގެ ބޭފުޅުން ރަސްދޫއަށް މި ކުރެއްވި ދަތުރުފުޅުގައި ރަސްދޫގެ ސްލޯގަން ބޯޑް ލޯންޗްކޮށްދެއްވާނެއެވެ. އަދި ރަށުގެ ގިރާ ސަރަހައްދުތައް ބައްލަވާލެއްވުމުގެ އިތުރުން ރަށުގެ ވޭސްޓް މެނޭޖްމެންޓް ސަރަހައްދަށް މި ބޭފުޅުން ޒިޔާރަތް ކުރައްވާނެއެވެ.
ހަތަރު ވަނަ ސައުތް އޭޝިއަން ސްޕީކަރސް ސަމިޓަށް އަފްޣާނިސްތާން، އިންޑިޔާ، ބަންގްލަދޭޝް، ބޫޓާން، ޕާކިސްތާން، އަދި ސްރީލަންކާގެ ޤާނޫނު ހަދާ މަޖިލީހުގެ ސްޕީކަރުން ވަނީ ރާއްޖެ ވަޑައިގެންފައެވެ.
