ރަނިލް ރާއްޖެ ވަޑައިގެންފި
2 ސެޕްޓެމްބަރު 2019 | ހޯމަ 03:55ރަނިލް ރާއްޖެ ވަޑައިގެންފައިވަނީ މިއަދު
ރަނިލް ރާއްޖެ ވަޑައިގަތުން
ސްރީލަންކާގެ ބޮޑުވަޒީރު ރަނިލް ވިކްރަމަސިންހަ ރާއްޖެ ވަޑައިގެންފިއެވެ.
ރަނިލް ރާއްޖެ އަށް ކުރައްވާ ދަތުރުފުޅަކީ ރައީސް އިބްރާހިމް މުހައްމަދު ސޯލިހުގެ ދައުވަތަކަށް ކުރައްވާ ދަތުރުފުޅެކެވެ. އެމަނިކުފާނުގެ މިދަތުރުފުޅުގައި އަނބިކަނބަލުން ޕްރޮފެސަރ މައިތިރީ ވިކްރަމަސިންހަ އާއި އެ ގައުއުމުގެ މަތީ ފެންވަރުގެ ވަފުދެއް ވަނީ ބައިވެރިވެ ވަޑައިގަންނަވާފައެވެ.
ދަތުރުފުޅުގައި ސްރީލަންކާ އާއި ރާއްޖެއާ ދެމެދު މުހިއްމު އެއްބަސްވުންތަކެއްގައި ސޮއިކުރަައްވާ ގޮތަށް ވަނީ ހަމަޖެހިފައެވެ. އޭގެ ތެރޭގައި ވިސާގެ ލުއިތަކެއް ލިބިދޭ އެމްއޯޔޫ އަކާއި، އިޖްތިމާއި ރައްކާތެރިކަމުގެ އެމްއޯޔޫ އެއްގެ އިތުރުން ޒުވާނުންގެ ތަރައްގީގެ އެމްއޯޔޫ އެއްގައި ސޮއިކުރުމަށް ވަނީ ހަމަޖެހިފައެވެ.
ރަނިލް ހޯމަ ދުވަހު ރާއްޖެ ވަޑައިގެންފައިވާއިރު މަޖިލީހުގައި ތަގުރީރު ކުރެއްވުމަށް ހަމަޖެހިފައިވަނީ ސެޕްޓެމްބަރު މަހުގެ ތިން ވަނަ ދުވަހުގެ ހެނދުނު 9:30 ގައެވެ.
