އާސެނަލް ދޫކޮށް އެ ކްލަބަށް ކުޅެމުން އަންނަ ސްޕެއިންގެ ލެފްޓް ބެކް ނެޗޯ މޮންރެއާލް ރެއާލް ސޮސައިޑާޑަށް ބަދަލުވެއްޖެ އެވެ.

އުމުރުން 33 އަހަރުގެ މޮންރެއާލް ސޮސައިޑާޑަށް ބަދަލުވީ ދެ އަހަރުގެ އެއްބަސްވުމެއްގެ ދަށުންނެނެވެ.

އާސެނަލްއިން މޮންރެއާލް ދޫކޮށްލިކަން ކަށަވަރުކޮށް ނެރުނު ބަޔާނުގައި ވަނީ ކުރިމަގުގައި ކާމިޔާބީއަށް އެދިފައެވެ. އަދި މޮންރެއާލް ކްލަބަށް ކޮށްދިން ހިދުމަތަށް އާސެނަލްއިން ވަނީ ޝުކުރު އަދާކޮށްފައެވެ.

އޮސެސޫނާއިން 2006 ވަނަ އަހަރުގެ ސީޒަނުގައި ސީނިއަރ ކެރިޔަރު ފެށި މޮންރެއާލް ވަނީ އެ ކްލަބަށް ކުޅުނު 144 މެޗުގައި ތިން ލަނޑު ކާމިޔާބުކޮށްފައެވެ. އަދި އޭނާ ވަނީ އެ ކްލަބުގެ ޔޫތު ޓީމަށް ކުޅުނު ދެ އަހަރު 36 މެޗު ކުޅެ ތިން ލަނޑު ކާމިޔާބުކޮށްފައެވެ.

އޮސެސޫނާ ދޫކޮށް މޮންރެއާލް 2011 ވަނަ އަހަރުގެ ސީޒަނުގައި ބަދަލުވީ މަލާގާއަށެވެ. އޭނާ ވަނީ އެ ކްލަބުގައި ކުޅުނު ދެ ސީޒަނުގައި ކުޅުނު 54 މެޗުގައި އެއް ލަނޑު ކާމިޔާބުކޮށްފައެވެ.

މޮންރެއާލް އާސެނަލްއަށް ބަދަލުވީ 2012 ވަނަ އަހަރުގެ ސީޒަނުގައެވެ. އޭނާ ވަނީ އެ ކްލަބަށް މިހާތަނަށް ކުޅުނު 250 މެޗުގައި 10 ލަނޑު ކާމިޔާބުކޮށްފައެވެ.

ސްޕެއިން ގައުމީ ޓީމަށް 22 މެޗު ކުޅެ އެއް ލަނޑު ކާމިޔާބުކޮށްފައިވާ މޮންރެއާލް ވަނީ އާސެނަލްއާއެކު އެފްއޭ ކަޕް ތިން ފަހަރު، އެފްއޭ ކޮމިއުނިޓީ ޝިލްޑް ތިން ފަހަރު އަދި ޔޫރޮޕާ ލީގުގެ އިތުރުން ލީގް ކަޕްގެ ދެވަނަ ހޯދާފައެވެ.

މީގެއިތުރުން މޮންރެއާލް ވަނީ ސްޕެއިންއާއެކު ފީފާ ކޮންފެޑެރޭޝަންސް ކަޕްގެ ދެވަނަ 2013 ވަނަ އަހަރު ހޯދާފައެވެ.