ހައިވޭގައި އެމްއެންޑީއެފްގެ ވެހިކަލެއް އެކްސިޑެންޓް ވެއްޖެ
29 އޯގަސްޓު 2019 | ބުރާސްފަތި 08:43އެކްސިޑެންޓުގެ ފޮޓޯތަކެއް މީސްމީޑިއާގައި ދައުރުވަމުންދޭ
ބްރިޖުމަތީގައި ހިނގި އެކްސިޑެންޓް
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ވެހިކަލެއް ސިނަމާލޭ ބްރިޖުމަތިން އެކްސިޑެންޓު ވެއްޖެއެވެ.
އެމްއެންޑީއެފްގެ ވެހިކަލެއް ބްރިޖު މަތީގައި އެކްސިޑެންޓު ވެފައިވާ ފޮޓޯތަކެއް މީސްމީޑިއާގައި ދައުރުވަމުންދާއިރު، އެމްއެންޑީއެފްގެ މީޑިއާ އޮފިޝަލު ވަނީ އެމްއެންޑީއެފްގެ އުޅަނދެއް ސިނަމާލޭ ބްރިޖު މަތީގައި އެކްސިޑެންޓު ވެފައިވާކަން ކަށަވަރު ކޮށްދެއްވާފައެވެ. ނަމަވެސް އިތުރު ތަފްސީލެއް ހާމަކޮށްފައެއް ނުވެއެވެ.
އެކަމާ ގުޅޭގޮތުން ފުލުހުންގެ މީޑިއާ އޮފިޝަލު ވިދާޅުވީ، އެހާދިސާގެ ރިޕޯރޓް ލިބިފައިވަނީ ބުރާސްފަތި ދުވަހު މެންދުރު 12:37 ހާއިރު ކަމަށާއި، އެކްސިޑެންޓު ވެފައިވަނީ އެމްއެންޑީއެފް މޮޓޯކޭޑްގެ އުޅަނދެއް ކަމަށެވެ. އެގޮތުން އެ އުޅަނދު ހުޅުމާލޭ ބްރިޖާއިވީކޮޅަށް ހައިވޭގައި ދަތުރުކުރަމުން ދަނިކޮށް ޑިވައިޑަރ ތަކުގައި ޖެހިގެން ހިނގި ހާދިސާއެއް ކަމަށް ވެސް އޭނާ ވިދާޅުވިއެވެ.
މިހާދިސާގެ އިތުރު ތަފްސީލު ހާމަކުރައްވާނެ ކަމަށް ފުލުހުން ބުނެއެވެ.
