ހޯމަ 16 ސެޕްޓެންބަރ 2019
10 އުތުރަ
1441 މަހައްރަމް 17
ފަތިސް 04:44
އިރުއަރާ 05:55
މެންދުރު 12:05
އަސްރު 15:05
މަޣްރިބް 18:07
އިޝާ 19:18
ކުޅިވަރު - ޕްރިމިއާ ލީގު

ޕްރިމިއާ ލީގު: އާސެނަލްގެ މައްޗަށް ލިވަޕޫލް ކުރިހޯދިއިރު، ޔުނައިޓެޑު ބަލިވެއްޖެ

  • ލިވަޕޫލް މޮޅުވީ އާސެނަލްއާ ވާދަކޮށް 1-3 ގެ ނަތީޖާއަކުން
  • ޔުނައިޓެޑް ބަލިވީ ކްރިސްޓަލް ޕެލަސްއާ ވާދަކޮށް 1-2 ގެ ނަތީޖާއަކުން

ލީވާން އަލީ
MrLeevaan

ކ. މާލެ 25 އޯގަސްޓު 2019 | އާދީއްތަ 07:52 1,647

އާސެނަލް އަދި ލިވަޕޫލް ބައްދަލުކުރި މެޗުގެ ތެރެއިން - ޓްވިޓަރ

ޕްރިމިއާ ލީގުގައި އާސެނަލްގެ މައްޗަށް ލިވަޕޫލް ކުރިހޯދިއިރު، މެންޗެސްޓަރ ޔުނައިޓެޑު ބަލިވެއްޖެއެވެ.

އާދީއްތަ ދުވަހުގެ ރޭ ކުޅުނު މެޗުން ލިވަޕޫލް މޮޅުވީ އާސެނަލްއާ ވާދަކޮށް 1-3 ގެ ނަތީޖާއަކުންނެވެ.

ލިވަޕޫލް ދަނޑުގައި ކުޅުނު މި މެޗު ފެށިގެން ދެޓީމުގެ ފަރާތުންވެސް ފެނުނީ ދާދި ހަމަހަމަ ކުޅުމެކެވެ. އެގޮތުން ލަނޑު ޖެހުމަށް ދެޓީމަށްވެސް ފުރުސަތުތަކެއް ކުރީކޮޅު ލިބި ބޭކާރުވިއެވެ.

މެޗުގައި ފުރަތަމަ ލަނޑު ޖަހާ ލީޑު ނެގީ ލިވަޕޫލުންނެވެ. މި ލަނޑު 41 ވަނަ މިނެޓުގައި އެލެގްޒެންޑްރާ އާނޮލްޑްގެ އެހީތެރިކަމާއެކު ކާމިޔާބުކުރީ މަޓިޕްއެވެ.

މި ލަނޑަށްފަހުވެސް ލިވަޕޫލަށް ވަނީ ލީޑު ފުޅާކުރަން ފުރުސަތު ލިބިފައެވެ. ނަމަވެސް އެ ފުރުސަތުގެ ބޭނުން އެޓީމަށް އެންމެ އެދެވޭ ގޮތެއްގައި ހިފިފައެއް ނުވެއެވެ.

ދެވަނަ ހާފް ފެށިގެން ލިވަޕޫލުން ވަނީ ލީޑު ފުޅާކޮށްފައެވެ. މި ލަނޑު 49 ވަނަ މިނެޓުގައި އެޓީމަށް ލިބުނު ޕެނަލްޓީއަކުން ކާމިޔާބުކުރީ މުހައްމަދު ސަލާހުއެވެ. އަދި 58 ވަނަ މިނެޓުގައި ސަލާހު ވަނީ އިތުރު ލަނޑެއް ކާމިޔާބުކޮށް ލިވަޕޫލަށް ލީޑު އިތުރަށް ފުޅާކޮށްދީފައެވެ.

މެޗު ނިމުމުގެ ކުރިން އާސެނަލްއަށް ސުން ކަނޑުވާލަދިނީ ޓޮރޭރާއެވެ. އޭނާ މި ލަނޑު ކާމިޔާބުކުރީ 86 ވަނަ މިނެޓުގައެވެ.

މި ނަތީޖާއާއެކު ލިވަޕޫލް އޮތީ މިހާތަނަށް ލީގުގައި ކުޅުނު ތިން މެޗުވެސް ކާމިޔާބުކޮށް، ނުވަ ޕޮއިންޓާއެކު އެއްވަނައިގައެވެ. މެޗުން ބަލިވި އާސެނަލް އޮތީ ހަ ޕޮއިންޓާއެކު ދެވަނައިގައެވެ.

ލީގުގައި އަންނަ ހޮނިހިރު ދުވަހު ބާންލީއާ ދެކޮޅަށް ލިވަޕޫލް ރަށުން ބޭރުގައި ނިކުންނައިރު، އާސެނަލް އަމިއްލަ ދަނޑުގައި ނިކުންނާނީ ޓޮޓެންހަމް ހޮޓްސްޕާއާ ދެކޮޅަށެވެ.

އާދީއްތަ ދުވަހުގެ ރޭ ކުޅުނު މެޗުން ޔުނައިޓެޑް ބަލިވީ ކްރިސްޓަލް ޕެލަސްއާ ވާދަކޮށް 1-2 ގެ ނަތީޖާއަކުންނެވެ.

ޔުނައިޓެޑު ދަނޑުގައި ކުޅުނު މި މެޗުގައި ފުރަތަމަ ލަނޑު ޖަހާ ލީޑު ނެގީވެސް ޕެލަސްއިންނެވެ. މި ލަނޑު 32 ވަނަ މިނެޓުގައި އެޓީމަށް ކާމިޔާބުކޮށްދިނީ އަޔިއުއެވެ.

މި ލަނޑާއެކު ޔުނައިޓެޑުން ވަނީ ކުޅުން ރަނގަޅުކޮށްފައެވެ. އެގޮތުން އެޓީމުން ވަނީ ފުރަތަމަ ހާފް ނިމުމުގެ ކުރިން ގިނަ ހަމަލާތަކެއް ޕެލަސްގެ ގޯލަށް ފޮނުވާލައި، ނުރައްކާކޮށްފައެވެ.

ނަމަވެސް ޔުނައިޓެޑަށް ލިބުނު ފުރުސަތުތަކުގެ ބޭނުން އެންމެ އެދެވޭ ގޮތެއްގައި ފުރަތަމަ ހާފްގައި ހިފިފައެއް ނުވެއެވެ.

ދެވަނަ ހާފްގައި ޔުނައިޓެޑުން ބަދަލުތަކެއް ގެނެސް، ވަރުގަދަކޮށް ފެނުނުއިރު ލަނޑު ޖެހުމަށް އެޓީމަށް ގިނަ ފުރުސަތު މި ހާފްގައި ލިބުނެވެ. އެގޮތުން މެޗު ނިމެން މިނެޓަކަށް ވެފައި ވަނިކޮށް ޖޯންސް އެޓީމަށް ނަތީޖާ އެއްވަރުކޮށްދިނެވެ.

ނަމަވެސް އިތުރު ވަގުތުގައި ޕެލަސްއިން ވަނީ ލަނޑެއް ކާމިޔާބުކޮށް އަނބުރާ ލީޑު ހޯދައި މެޗު ކާމިޔާބުކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ ވެން އަންހޮލްޓްއެވެ.

މި ނަތީޖާއާއެކު ޔުނައިޓެޑު ކުޅުނު ތިން މެޗުގެ ތެރެއިން އެއް މެޗުން މޮޅުވެފައިވާއިރު، އެއް މެޗުން ވަނީ ބަލިވެފައެވެ. އަދި އަނެއް މެޗުން އެޓީމު ވަނީ އެއްވަރުވެފައެވެ. އަދި ޕެލަސްވެސް ވަނީ ކުޅުނު ތިން މެޗުގެ ތެރެއިން އެއް މެޗުން މޮޅުވެ، އެއް މެޗުން ބަލިވެފައެވެ. އަދި އެޓީމުވެސް ވަނީ އެއް މެޗުން އެއްވަރުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް