ތެހްރާންގައި "ސެލެބްރިޓީސް" ޓްރެފިކްގައި ނުޖެހެން ދަތުރުކުރަނީ އެމްބިއުލާންސްގައި!
22 އޯގަސްޓު 2019 | ބުރާސްފަތި 02:39މިމައްސަލައަށް ފުލުހުންގެ ސަމާލުކަމެއް ނުލިބޭ
އިރާންގެ ވެރިކަން ކުރާ ތެހްރާންގައި ބޭނުން ކުރާ އެމްބިއުލެންސްތަކެއް
އިރާންގެ ވެރިކަން ކުރާ ތެހްރާންގައި މަޝްހޫރު މީހުން ޓްރެފިކްގައި ނުޖެހި ތަންތަނަށް ދިއުމަށް އެމްބިއުލަންސް ބޭނުން ކުރާ މައްސަލަ ފެންމަތިވެއްޖެއެވެ.
ފްރައިވެޓް އެމްބިއުލެންސް ސަރވިސްގެ ހެޑް ވަނީ ފިލްމީތަރިންނާއި، މުއްސަންދި މީހުން މިގޮތަށް އެމްބިއުލެންސް ބޭނުން ކުރަމުންދާ ކަމަށް އެއްބަސްވެފައެވެ.
އީރާނުގެ ނޫސްތަކުން ބުނާ ގޮތުން މިމައްސަލަކީ ތެހްރާންގެ ފުލުހުންނަށް ރިޕޯޓު ކުރި ނަމަވެސް ނުހުއްޓުވިފައިވާ މައްސަލައެއް ކަމަށާއި، ފުލުހުން އެކަން ހުއްޓުވުމުގެ ބަދަލުގައި އެހެނިހެން ކަންކަމުގައި އުޅޭ ކަމަށެވެ. އަދި މާ ބޮޑު ސަމާލުކަމެއް ނުދޭ ކަމަށް އެގައުމުގެ ރައްޔިތުން ބުނެއެވެ.
އީރާންއަކީ އެމްބިއުލެންސް ދުއްވުމުގައި ހަރުދަނާ ގަވާއިދުތަކެއް ހަދާފައިވާ ގައުމެކެވެ. ނަމަވެސް ގަވާއިދާ އެއްގޮތަށް އަމަލުކުރަމުން ނުދާ ކަމަށް ރިޕޯޓުތަކުން ބުނެއެވެ.
އިރާންގެ ރިޕޯޓުތައް ބުނާ ގޮތުގައި ވަކިވަކިން ޓިއުޝަން ނައިގައިދޭ މީހުންނަކީ އެންމެ ބޮޑު އާމްދަނީއެއް ލިބޭ ބަޔަކަށްވާއިރު، ޓްރެފިކްގައި ނުޖެހި ތަންތަނަށް ދިއުމަށް އެމްބިއުލަންސް އެންމެ ގިނައިން ބޭނުންކުރަނީ އެމީހުންނެވެ.
މިމައްސަލަ ހޫނުވެ ސޯޝަލް މީޑިއާގައި އެގައުމުގެ ރައްޔިތުންގެ ކަންބޮޑުވުންފާޅުކުރަމުންދާ ވަގުތެއްގައި ތެހަރާންގެ ޕްރޮސެކިއުޓާ ޖެނަރަލް ވަނީ މިމައްސަލަ ބެލުމަށް އޯޑަރެއް ނެރިފައެވެ.
