އިންޓަރ ޕާލިމެންޓްރީ ޔޫނިއަންގެ ދެކުނު އޭޝިޔާގެ ސްޕީކަރުންގެ ސަމިޓް އަންނަ މަހު
19 އޯގަސްޓު 2019 | ހޯމަ 09:15ރާއްޖޭގައި މިސަމިޓް ބާއްވާ މިއީ ފުރަތަމަ ފަހަރު
މަޖިލީހުގެ ރައީސް މުހައްމަދު ނަޝީދު
އިންޓަރ ޕާލިމެންޓްރީ ޔޫނިއަންގެ ދެކުނު އޭޝިޔާގެ ސްޕީކަރުންގެ ހަތަރުވަނަ ސަމިޓް އަންނަ މަހު އެއްވަނަ ދުވަހު ބާއްވާ ގޮތަށް ނިންމައިފިއެވެ.
ހޯމަ ދުވަހުގެ ރައްޔިތުންގެ މަޖިލިސްގެ ޖަލްސާގައި ވާހަކަފުޅު ދައްކަވަމުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވީ އިންޓަރ ޕާލިމެންޓްރީ ޔޫނިއަންގެ ދެކުނު އޭޝިޔާގެ ސްޕީކަރުންގެ ހަތަރުވަނަ ސަމިޓް ރާއްޖޭގައި އޮންނާނެ ކަމަށެވެ.
ރައީސް ނަޝީދު ވިދާޅުވީ ސެޕްޓެންބަރު މަހުގެ 1 ވަނަ ދުވަހާއި 2 ވަނަ ދުވަހު ބާއްވާ މިސަމިޓްގައި ވާހަކަދައްކަވައި މަޝްވަރާ ކުރައްވާނީ ދެމެހެއްޓެނިވި ތަރައްގީގެ ލަނޑުދަނޑިތައް ހާސިލްކުރުމާ ގުޅޭ ގޮތުން ކަމަށެވެ.
މިސަމިޓްއަށް ރައްޔިތުންގެ މަޖިލީހުން ތައްޔާރުވަމުން އަންނައިރު މިއީ ރާއްޖޭގައި މިސަމިޓް ބާއްވާ ފުރަތަމަ ފަހަރެވެ.
