ހާއްސަ އިނާމަށް ކުރިމަތިލާން އެދޭ ފަރާތްތަކާއެކު ބާއްވާ ބައްދަލުވުން ބުދަ ދުވަހު
ބައްދަލުވުން އޮންނާނީ ރައީސް އޮފީހުގައި
ހާއްސަ އިނާމާ ބެހޭ ކޮމިޓީ އާއި އެކު ރައީސް ސޯލިހު ބައްދަލު ކުރައްވަނީ
މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ހާއްސަ އިނާމަށް ކުރިމަތިލާ ފަރާތްތަކަށް ބާއްވާ މައުލޫމާތު ދިނުމުގެ ބައްދަލުވުން، ބުދަ ދުވަހު ބާއްވާ ގޮތަށް ހާއްސަ އިނާމާބެހޭ ކޮމިޓީން ހަމަޖައްސަވައިފިއެވެ.
ރައީސް އޮފީހުން ބުނީ، އެ ބައްދަލުވުން އޮންނާނީ ބުދަ މެންދުރުފަހު 2.00 ގައި އެ އޮފީހުގައި ކަމަށެވެ. ބައްދަލުވުމުގައި ބައިވެރިވާން ބޭނުންވާ ފަރާތްތަކުން ރައީސް އޮފީހުން ނަން ނޯޓު ކުރެވޭނެ އިންތިޒާމު ވަނީ ހަމަޖައްސާފައެވެ.
ހާއްސަ އިނާމަށް ނަން ހުށަހެޅުމުގެ ފުރުސަތު ރައީސް އޮފީހުން ހުޅުވާލަފައިވަނީ އަންނަ މަހުގެ 15 ވަނަ ދުވަހުގެ ނިޔަލަށެވެ.
ނަން ހުށަހަޅަން ޖެހޭ ފޯމު ފޮނުވަން ޖެހޭނީ ހާއްސަ އިނާމާބެހޭ ކޮމިޓީއަށް އެޑްރެސް ކޮށް، ރައީސް އޮފީހަށެވެ. އަދި ރައީސް އޮފީހުގެވެބްސައިޓުންވެސްފޯމު ޑައުންލޯޑް ކުރެވޭނެއެވެ.
މި އަހަރު ހާއްސަ އިނާމު ދެން ހަމަޖެހިފައިވަނީ ޖުމްހޫރީ ދުވަހުގެ މުނާސަބަތުގައި ބާއްވާ ރަސްމީ ޖަލްސާގައެވެ.
