މޫދަށް އެރިއުޅުނު ބައެއްގެ ފޯނުތަކާއި ގިނަ އަދަދެއްގެ ފައިސާ ވަގަށް ނެގި މީހަކު ހައްޔަރުކޮށްފި
17 އޯގަސްޓު 2019 | ހޮނިހިރު 04:27ހައްޔަރުކުރީ 29 އަހަރުގެ މީހެއް
އަމްނާ އިމާދު | 17 އޯގަސްޓު 2019 | ހޮނިހިރު 04:27
ވިލިމާލެ މޫދަށް އެރިއުޅުނިކޮށް ވަގަށް ނެގި ތަކެތި ހޯދާފައި
ވިލިމާލެ މޫދަށް އެރިއުޅުނު ބައެއްގެ ފޯނުތަކާއި ގިނަ އަދަދެއްގެ ފައިސާ ވަގަށް ނެގި މީހަކު ހައްޔަރު ކޮށްފިއެވެ.
ފުލުހުން ބުނީ ހުކުރު ދުވަހު ވިލިމާލެ ބީޗް ކައިރީ މޫދަށް އެރިއުޅުނު ބައެއްގެ ފޯންތަކަކާއި ގިނަ އަދަދެއްގެ ފައިސާ ވަގަށް ނެގި މައްސަލާގައި ވިލިމާލެ ފުލުހުން ކުރި މަސައްކަތުން 29 އަހަރުގެ ފިރިހެނެއް ހައްޔަރު ކޮށްފައިވާ ކަމަށެވެ.
ފުލުހުން ބުނީ ހައްޔަރުކޮށް ވަގަށް ނެގި ތަކެތި ހޯދާ އަނބުރާ ވެރިފަރާތަށް ހަވާލުކޮށްފައިވާ ކަމަށެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
އަޟްހާ އީދު ބަންދާ ދިމާކޮށް ވައްކަމާއި ފޭރުމުގެ ގިނަ މައްސަލަތައް ވަނީ ފެންމަތިވެފައެވެ.
