އިންޑިއާގެ ހިންދޫން ފެސްޓިވަލެއްގައި ގާއުކުމުގެ ތެރޭގައި 120 މީހަކު ޒަހަމްވެއްޖެ
16 އޯގަސްޓު 2019 | ހުކުރު 14:09ކޮންމެ އަހަރަކުވެސް އެދުވަސް ފާހަގަ ކުރޭ
އަލީ ސަމާޚް | 16 އޯގަސްޓު 2019 | ހުކުރު 14:09
އަޅުކަން ކުރާ މީހުން ގާއުކަނީ
އިންޑިއާގެ އުއްތަރްކާންތް ސްޓޭޓްގެ ހިންދޫ ދީނުގެ މީހުން އަޅުކަން ކުރާ ދެއިދުރާ ފައްޅީގައި ކުރިޔަށް ދިޔަ ''ގާއުކުމުގެ'' ފެސްޓިވަލެއްގައި 120 މީހަކު ޒަހަމްވެއްޖެއެވެ.
ކޮންމެ އަހަރެއްގެ ރަކްޝާ ބަންދަންއާ ދިމާކޮށް ބާއްވާ އެ ފެސްޓިވަލްގައި އަޅުކަމަށް ދާ މީހުން އެކަކު އަނެކަކު ގަޔަށް ގާއުކަން ޖެހެއެވެ. އެ ޝަހަރުގެ މީހުން ގަބޫލްކުރާ ގޮތުން އެއީ ކަނލާގެ އަށް ވެވޭ ގުރުބާނީއެކެވެ. އެ ގުރުބާނީ ބަލައިގަންނަނީ އެމީހުން ބުނާގޮތުން ގައިން ލޭ އޮހޮރައިގެންނެވެ.
އެ ފައްޅީގެ ފާދީރީ ބުނީ، 10 މިނިޓަށް ކުރިޔަށް ދިޔަ ގާއުކުމުގެ ތެރޭގައި 120 މީހަކު ޒަހަމްވެފައިވާ ކަމަށެވެ. ގިނަ އަދަދެއްގެ ބަޔަކު ޖަމާވާ އެ ފެސްޓިވަލް ނިންމާލީ ފާދިރީ އެކަމަށް ނިންމާލުމަށް އިރުޝާދު ދިނުމުންނެވެ.
