ސްނެޕްޗެޓުގެ އައިކަން އަށް އައި ބަދަލާއެކު ގިނަބަޔަކު ނުރުހުން ފާޅުކޮށްފި

ސޯޝަލް މީޑިއާގެ މަގުބޫލު އެއް ޕްލެޓްފޯމު ކަމަށްވާ ސްނެޕްޗެޓް އައިކަންގެ އަޕްޑޭޓާ ހެދި އެތައް ބަޔަކު ރުޅިގަދަވެއްޖެއެވެ.

ދޮން ކުލައިގެ ބެކްގްރައުންޑެއްގައި ކުރަހާފައި އިންނަ ހުދު ކުލައިގެ "ގޯސްޓް" ފެނިގެންދާ މި އައިކަންގެ ވަށައިގެން ކުރިން ފެންނަ ކަޅުކުލައިގެ ފަށަލަ މިހާރު ވަނީ ވަރަށް ފަލަކޮށް، ކުލަ ގަދަ ކޮށްފައެވެ.

މި ބަދަލާއެކު ގިނަ ބަޔަކު ވަނީ މީސް މީޑިއާގައި އެކަމުގެ ނުރުހުން ފާޅުކޮށްފައެވެ. އަދި ނުވިތާކަށް އެމީހުންގެ ފޯނުތަކުން އެޕްވެސް ޑިލީޓް ކޮށްލާފައެވެ.

ސްނެޕްޗެޓަކީ މީސްމީޑިއާގެ މަންސަތަކުގެ ތެރެއިން ފޭސްބުކް އެއްފަރާތްކޮށް ދެވަނައަށް އެންމެ ގިނައިން މީހުން ބޭނުންކުރާ އެއް އެޕެވެ. އެގޮތުން، ސްނެޕްޗެޓުގެ ފިލްޓަރ ތަކަކީ އަބަދުވެސް މީހުން ފޮޓޯ ނަގަން ބޭނުންކުރާ ފިލްޓަރ ތަކެއްކަން ފާހަގަ ކޮށްލެވެއެވެ.

ސްނެޕްޗެޓްގެ އާ އައިކަންގެ ސަބަބުން އެޕް ބޭނުންކުރާ މީހުން މަދުވެދާނެ ކަމުގެ ބިރު ސްނެޕްޗެޓަށް އޮތް ކަމަށް ގިނަ މީހުން ދެކެއެވެ.