ވަރުބަލިތަ؟ ފުޓްރެސްޓް ކިހިނެއްވާނެ؟

ބުރަކޮށް މަސައްކަތްކުރާ ފަރާތްތަކާއި އެކި އުމުރުފުރާތަކަށް ޚާއްސަކޮށްގެން "ފޫޓް ރެސްޓް" ސްޕާ ހުޅުވައިފިއެވެ.

ހުކުރު ދުވަހު ހުޅުމާލޭގައި އޮތް ރަސްމިއްޔާތެއްގައި ފޫޓްރެސްޓް ހުޅުވައިދެއްވީ މިނިސްޓަރ އޮފް ޔޫތް ސްޕޯރޓްސް އެންޑް ކޮމިއުނިޓީ އެމްޕަވަރމަންޓް އަހުމަދު މަހުލޫފެވެ.

މި ސްޕާއިން ލިބޭ ޚިދުމަތްތަކާ ގުޅޭގޮތުން "ރާއްޖެއެމްވީ" އަށް މައުލޫމާތު ދެއްވަމުން ފޫޓްރެސްޓުގެ މާރކެޓިންގ އެންޑް ކޮމިއުނިކޭޝަންސް ޑިރެކްޓަރ އާއިޝަތު ޝަނީދާ ވިދާޅުވީ، މި ސްޕާއަކީ އަވަދިނެތިކޮށް މަސައްކަތްކުރައްވާ ހުރިހާ ފަރާތްތަކަށްވެސް ހިތްފަސޭހަ ވަގުތުކޮޅެއް ހޭދަކޮށްލައި ސިކުނޑި ތާޒާކޮށްލުމަށް އެހީވެދޭނެ ތަނަކަށް ވާނެ ކަމަށާއި، ފައިތިލައަށް ޚާއްސަކޮށްގެން ތަފާތު ތެރަޕީތައް މި ސްޕާއިން ލިބޭނެ ކަމަށެވެ.

އެގޮތުން މި ޚިދުމަތްތައް ލިބިގަތުމުގައި ވަކި އުމުރުފުރާއެއް ކަނޑައަޅާފައިނުވާ ކަމަށާއި، ކުޑަކުދިންނާއި ޒުވާނުންގެ އިތުރުން ދުވަސްވީ މީހުންނަށްވެސް މިތަނުން ޚިދުމަތް ލިބިގަނެވޭނެ ކަމަށް އޭނާ ވިދާޅުވިއެވެ.

ފޫޓްރެސްޓުން މައިގަނޑު ދެ ޕެކޭޖެއް ފޯރުކޮށްދޭއިރު، އޭގެ ތެރޭގައި ހިމެނެނީ ރެގިއުލަރ/ނޯމަލް ޕެކޭޖާއި ސްޕެޝަލް ޕެކޭޖެވެ.

ނޯމަލް ޕެކޭޖްގެ ދަށުން ލިބޭ ބައެއް ޚިދުމަތްތައް:

ޝަނީދާ އިތުރަށް ވިދާޅުވީ، ޕެކޭޖް ތަކުގެ އިތުރަށް ޚާއްސަ އެޑޯންސްތަކެއްވެސް ހިމެނޭ ކަމަށާއި، އޭގެ ތެރެއިންވެސް ފާހަގަކޮށްލެވޭ އެއް އެޑޯންއަކީ "ކަޕުލް ރިޓްރީޓް" ކަމަށެވެ. އެގޮތުން މި އެޑޯން ޚާއްސަ ވަނީ ހަމައެކަނި ދެމަފިރިންނަށް ނޫން ކަމަށާއި، އެންމެ ގާތް އެކުވެރިޔާއާއެކީގައިވެސް އާދެވޭނެ ކަމަށް އޭނާ ވިދާޅުވިއެވެ.

މި ރަސްމިއްޔާތުގައި މިނިސްޓަރ މަހުލޫފާއި އެމަނިކުފާނުގެ އަނބިކަނބަލުންނަށް ޚާއްސަ ފޫޓް ޓްރީޓްމަންޓެއް އަރުވާފައިވާއިރު، މިނިސްޓަރ ވިދާޅުވީ، މިފަދަ ތަނެއް ހުޅުވުމަކީ ލިބިގެންދިޔަ ވަރަށް ބޮޑު އުފަލެއް ކަމަށާއި، ޓޫރިޒަމްގެ އިތުރުން ދިވެހިންނަށްވެސް އޭގެ ސަބަބުން ފައިދާކުރާނެ ކަމެއް ކަމަށެވެ.

ހިތްގައިމު މާހައުލަކާއި ތަފާތު ޚިދުމަތްތަކާއެކު ފުޓްރެސްޓް ހުޅުވާފައިވާއިރު، މިތަނުންދޭ ޚިދުމަތްތައް އިތުރަށް ފުޅާކޮށް، ކައިރި މުސްތަޤްބަލެއްގައި އިތުރު ޚިދުމަތްތައް ތައާރަފްކުރެވިގެންދާނެ ކަމަށް ފޫޓްރެސްޓުގެ މެނޭޖްމަންޓުން މައުލޫމާތުދެއެވެ.