ބޮޑެތި އެތައް ޑިސްކައުންޓަކާއި އެކު މެކްސްކޮމް ގެ އިޔަރ އެންޑް ސޭލް ފަށައިފި

ރާއްޖޭ ގައި އެންމެ އިތުބާރާއި އެކު އައިޓީ ސާމާނު ފޯރުކޮށްދިނުމުގެ ޚިދުމަތް ދެމުން އަންނަ މެކްސްކޮމްއިން ބޮޑެތި އެތައް ޑިސްކައުންޓަކާއި އެކު އިޔަރ އެންޑް ސޭލް ފަށައިފި އެވެ.

މެކްސްކޮމް އިޔަރ އެންޑް ސޭލް މެދުވެރިކޮށް މި އަހަރު ކަސްޓަމަރުންނަށް ހާއްސަ އަގުތަކުގައި އެކި ބްރޭންޑްތަކުގެ އައިޓީ ސާމާނު ހޯދުމުގެ ފުރުސަތު މިހާރު ވަނީ ލިބިދީފަ އެވެ. މި ޕްރޮމޯޝަން ކުރިއަށް ދާނީ 2026 ވަނަ އަހަރުގެ ޖެނުއަރީ 15 ވަނަ ދުވަހުގެ ނިޔަލަށެވެ.

މި ޕްރޮމޯޝަންގެ ތަފްސީލުތައް ހިއްސާކުރަމުން މެކްސްކޮމް އިން ބުނީ މި އަހަރުގެ އިޔަރ އެންޑް ސޭލްގައި މެކްސްކޮމް އިން ކަސްޓަމަރުންނަށް ގިނަ އަދަދެއްގެ އުފެއްދުންތައް ހާއްސަ ޑިސްކައުންޓެއްގައި ލިބޭނެ މަގު ފަހިކޮށްފައިވާ ކަމަށެވެ. ޑިސްކައުންޓް ލިބޭ ޕްރޮޑަކްޓްތަކުގެ ތެރޭގައި ޑެލް އަދި އެމްއެސްއައިގެ ލެޕްޓޮޕްތަކާއި ޑެސްކްޓޮޕްތައް ހިމެނެއެވެ.

ސްކޫލް ކުދިންނާއި ވިޔަފާރިތަކާއި، އޮފީސްތަކަށް ބޭނުންވާނެ ސާމާނު ހެޔޮ އަގެއްގައި މި ޕްރޮމޯޝަން މެދުވެރިކޮށް ލިބޭނެ އެވެ. ހަމަ އެހެންމެ ކޮމްޕިއުޓަރަށް ބޭނުންވާ އެކްސެސަރީސްތައް ވެސް ޚާއްސަ ޑިސްކައުންޓްތަކާއި އެކު ލިބެން ހުންނާނެ އެވެ. މި ސޭލް އަކީ އައިޓީ ސާމާނު އަޕްގްރޭޑްކޮށްލަން ބޭނުންވާ ފަރާތްތަކަށް ރަނުގެ ފުރުސަތެކެވެ. އަދި އާ އަހަރާއި ދިމާކޮށް އާ ސާމާނު ހޯދާ ފަރާތްތަކަށް ވެސް މިއީ ރަނގަޅު ފުރުސަތެކެވެ.

ދުނިޔޭގެ 1 ވަނައިގައި ގުނާލެވޭ ބްރޭންޑެއް ކަމަށްވާ ޑެލް ބްރޭންޑުގެ އެންމެ ފަހުގެ ޑެލް ޕްރޯ ސީރީސްގެ ޑެސްކްޓޮޕްއާއި، ލެޕްޓޮޕްތައް ތިން އަހަރުގެ ދިގު ވޮރަންޓީ އަކާއި އެކު ލިބޭނެ މަގު މެކްސްކޮމް އިން ވަނީ ތަނަވަސްކޮށް ދީފަ އެވެ.

މެކްސްކޮމް އިން ލެޕްޓޮޕް ލިބެން ހުރި އަގަށް ބަލާ އިރު 8,900 ރުފިޔާ އިން ފެށިގެން ލެޕްޓޮޕްތައް ލިބެން އެބަ ހުއްޓެވެ. ޑެލް، ހުއަވޭ، ވާރޓިވް، އެމްއެސްއައި، އެކްސްޓެލް އަދި ޑީ-ޓެކް ފަދަ ބޮޑެތި ބްރޭންޑްތަކުގެ ޕްރޮޑަކްޓްތައް ޑިސްޓްރިބިއުޓް ކުރާ މެކްސްކޮމް މެދުވެރިކޮށް މި ބްރޭންޑުތަކުގެ ޕްރޮޑަކްޓްތައް އަގު ހެޔޮކަމާއި އެކު މިހާރު ގަނެވޭނެ އެވެ.