ރައީސް ޞާލިހް ސީޝެލްސް އަށް ފުރާވަޑައިގެންފި
1 އޯގަސްޓު 2019 | ބުރާސްފަތި 06:50މި ދަތުރުފުޅަކީ ސީޝެލްސްގެ ރައީސް ޑެނީ ފޯރޭގެ ދަޢުވަތަކަށް ކުރައްވާ ދަތުރުފުޅެއް
ރައީސުލް ޖުމްހޫރިއްޔާގެ ދެކަނބަލުން
ފުރަމާނަ ދަތުރުފުޅެއްގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހް ސީޝެލްސްއަށް ފުރާ ވަޑައިގެންފިއެވެ.
ރައީސް ސޯލިހްއާއި އެކު އަނބިކަނބަލުން ފަޒްނާ އަޙްމަދު ވެސް ވަނީ މި ދަތުފުޅުގައި ބައިވެރިވެ ވަޑައިގެންފިއެވެ. ރައީސުލްޖުމްހޫރިއްޔާގެ ދެ ކަނބަލުންގެ އަރިހުގައި ސަރުކާރުގެ މަތީފަންތީގެ ބޭފުޅުން ހިމެނޭ ވަފުދެއްވެސް ވަނީ ބައިވެރިވެވަޑައިގެންފައެވެ.
ރައީސް ސޯލިހްގެ މި ދަތުރުފުޅަކީ ސީޝެލްސްގެ ރައީސް ޑެނީ ފޯރޭގެ ދަޢުވަތަކަށް ކުރައްވާ ދަތުރުފުޅެކެވެ. ސީޝެލްސްއަށް ކުރައްވާ މި ދަތުރުފުޅުގައި ދެޤައުމުގެ ދެމެދުގައި ބައެއް އެއްބަސްވުން ތަކުގައި ސޮއިކުރެއްވުމުގެ އިތުރުން ދެޤައުމުގެ މެދުގައި މަތީފެންވަރުގެ މަޝްވަރާތައް ބޭއްވެވުމަށް ވަނީ ހަމަޖެހިފައިވެއެވެ.
ރައީސް އިބްރާހިމް މުހައްމަދު ވެރިކަމާ ހަވާލުވެވަޑައިގެންނެވި ފަހުން ވަނީ ބޭރުގެ ގައުމުތަކަށް ގިނަ ދަތުރުތަކެއް ކޮށްފައެވެ. އެގޮތުން އެންމެ ފުރަތަމަ އިންޑިއާއަށް ދަތުރުފުޅެއް ކުރެއްވިއިރު، ލަންކާ، ސިންގަޕޯރ، ޔޫއޭއީ އަދި މޮރިޝަސްއަށް ވެސް ދަތުރުކުރައްވާފައިވެއެވެ.
