އެޑިއުކޭޝަން މިނިސްޓަރ ޔުނިސެފްގެ ރީޖަނަލް ޑިރެކްޓަރާ ބައްދަލު ކުރައްވާފި
31 ޖުލައި 2019 | ބުދަ 14:24މިނިސްޓަރ ވަނީ ރާއްޖޭގެ ކުޑަކުދިންގެ ތައުލީމަށް ދިމާވާ ގޮންޖެހުތަށް ރީޖަނަލް ޑިރެކްޓަރ އާ ހިއްސާކޮށްފަ
އެޑިއުކޭޝަން މިނިސްޓަރ އައިޝަތް އަލީ
އެޑިއުކޭޝަން މިނިސްޓަރ އައިޝަތް އަލީ ޔުނިސެފުން އުތުރު އޭޝިއާށް ކަނޑައަޅުއްވާފާވާ ރީޖަނަލް ޑިރެކްޓަރާ ޖީން ގޯހްއާ ބައްދަލު ކުރައްވާފިއެވެ.
ބުދަ ދުވަހު ކުރެއްވި މިބައްދަލުވުމުގައި މިނިސްޓަރ ވަނީ ރާއްޖޭގެ ކުޑަކުދިންގެ ތައުލީމަށް ދިމާވާ ގޮންޖެހުތަށް ރީޖަނަލް ޑިރެކްޓަރ އާ ހިއްސާކޮށްފައެވެ. އެ ދެކަނބަލުންވަނީ ރާއްޖޭގެ ތައުލީމު ކުރިއެރުވުމަށް ޔުނިސެފުން ފޯރުކޮށްދެވޭނެ އެހީތަކާ ބެހޭގޮތުން ވާހަކަދައްކާ މަޝްވަރާކޮށްފައެވެ.
ދާދި ފަހުން އެޑިއުކޭޝަން މިނިސްޓްރީއިން ވަނީ އުނގެނުމުގައި ޚާއްޞަ އެހީއަށް ބޭނުންވާ ކުދިންނަށް ތަޢުލީމު ފޯރުކޮށްދިނުމަށް ކުރެވޭ މަސައްކަތް އިތުރަށް ހަރުދަނާ ކުރުމަށްޓަކައި އިންކުލޫސިވް އެޑިޔުކޭޝަން "ކޯޗުން" ތަމްރީނު ކުރުމުގެ މަސައްކަތްފަށާފައެވެ. އޮގަސްޓް މަހުގެ ނިޔަލަށް މި ޕްރޮގްރާމްގެ ދަށުން ތަމްރީން ކުރެވޭ ޓީޗަރުން މަސައްކަތް ކުރަމުންދާނީ މިނިސްޓްރީއިން ކަނޑައެޅާ ސްކޫލްތަކުގައެވެ.
