މިނިސްޓަރގެ ޝުކުރު ހުރިހާ ސުކޫލު ތަކާއި، ކުންފުނިތަކުގެ އިތުރުން އެމް.އެން.ޑީ.އެފްއަށް

މިނިވަން ދުވަހުގެ މުނާސަބަތުގައި ފުޅަނދުތައް ތައްޔާރުކޮށްދެއްވި ކުންފުނިތަކަށާއި، އައިޓަމްތައް ތައްޔާރުކޮށްދެއްވި ސުކޫލުތައް އަދި އެމް.އެން.ޑީ.އެފް އަށް ހޯމް މިނިސްޓަރ އިމްރާން އަބްދުﷲ ޝުކުރު އަދާކުރައްވައިފިއެވެ.

ދިވެހިރާއްޖޭގެ 54 މިނިވަން ދުވަހުގެ މުނާސަބަތުގައި ޖުލައި 26 ވީ ހުކުރުދުވަހުގެ ރޭ ވަނީ އެމް.އެން.ޑީ.އެފް ގެ ފަރާތުން ހެވިކަމުގެ ކުޅިވަރުތައް ދައްކާލާފައިވާއިރު ސުކޫލު ތަކުގެ ދަރިވަރުން ވަނީ ރީތި ހުށައެޅުންތައް ހުށައަޅައިދީފައެވެ.

ޖުލައި 27 ވަނަ ދުވަހު ކުރިޔަށްގެންދިޔަ ހަރަކާތް ތަކުގެ ތެރޭގައި ސުކޫލު ދަރިވަރުންގެ އިތުރުން އެމް.އެން.ޑީ.އެފް ގެ ފަރާތުން ވަނީ މާލޭގެ ބޮޑެތި މަގުތަކުގައި ޕެރޭޑް ބާއްވާފައެވެ. އަދި 27 ވަނަ ދުވަހުގެރޭ ވަނީ ސަރުކާރުގެ ކުންފުނިތަކުން ފުޅަނދުބުރެއް ބާއްވާފައެވެ.

ޖުލައި 28 ވަނަ ދުވަހު ފުޅަނދުތައް އާއްމުކޮށް ދައްކާލުމާއި ފޮޓޯނެގުމުގެ އިންތިޒާމް، އެކުވެނި ވެލި ދަނޑު ސަރަހައްދުގައި ހަވީރާއި ރޭގަނޑު އޮންނާނެއެވެ.

ރާއްޖޭގެ 54 ވަނަ މިނިވަން ދުވަސް ފާހަގަ ކުރުމަށް ބޭއްވި ހަރަކާތްތައް ރައީސްގެ ދެކަނބަލުން ވަނީ ބައްލަވާލައްވާފައެވެ.