ކ. މާލެ
|
24 ޖުލައި 2019 | ބުދަ 10:21
ޓްރައިބިއުނަލްގެ ރައީސް އަހުމަދު ޝިފާއު
ޓްރައިބިއުނަލްގެ ރައީސް އަހުމަދު ޝިފާއު
ޝުއައިބް މުހައްމަދު އިގްބާލް
ރައްޔިތުންގެ މަޖިލީސް
ލޯފާމެއްގައި މަސްލަހަތު ނޯންނާނެކަމަށް ވިދާޅުވި ޓްރައިބިއުނަލްގެ ރައީސްގެ ހިއްސާ ލޯ ފާމެއްގައި އޮވޭ!
 
މަޖިލިހަށް ވަޑައިގެންނެވިއިރު ހިއްސާ އޮންނަކަމެއް އެނގި ނުލައްވާ: ޝިފާއު
 
އޭނާއަކީ އެޑްވޮގާޑޯ ލޯ ފާމްގެ 50 ޕަސެންޓް ހިއްސާ އޮންނަ ފަރާތެއް
 
ޝިފާއު ޓްރައިބިއުނަލްގެ މެމްބަރުކަމަށް އައްޔަން ކޮށްފައިވަނީ 14 މެއި 2018 ގައި

ޓްރައިބިއުނަލްގެ މެމްބަރަކަށް ވެވަޑައިގެންނެވި އިރު އެއްވެސް ލޯ ފާމެއްގައި މަސްލަހަތު ނޯންނާނެކަމަށް ވަޒީފާއާއި ބެހޭ ޓްރައިބިއުނަލްގެ ރައީސް އަހުމަދު ޝިފާއު މަޖިލީހުގެ ޖުޑީޝަރީ ކޮމިޓީގައި ވިދާޅުވި ނަމަވެސް އޭރު ލޯފާމެއްގައި ހިއްސާ އޮންނަ ކަން ރާއްޖެއެމްވީއަށް އެނގިއްޖެއެވެ.

އަންގާރަ ދުވަހު އޮތް މަޖިލީހުގެ ޖުޑީޝަރީ ކޮމިޓީއަށް ވަޒީފާއާއި ބެހޭ ޓްރައިބިއުނަލް ހާޒިރުކޮށް މަޖިލީހުގެ މެމްބަރުން ވަނީ ސުވާލު ކުރައްވާފައެވެ. އެގޮތުން ކޮންމެ މެމްބަރަކާއި ވެސް ވަނީ އެބޭފުޅުންގެ މަސްލަހަތު އޮތް ލޯ ފާމެއްގައި މަސައްކަތް ކުރައްވާތޯ ތުޅާދޫ ދާއިރާގެ މެމްބަރު ހިސާން ހުސައިން ސުވާލު ކުރައްވާފައެވެ. ސުވާލަށް ޖަވާބު ދެއްވަމުން ޝިފާއު ވިދާޅުވީ "އަޅުގަނޑު ޓްރައިބިއުނަލަށް ގުޅުނު އިރު އަޅުގަނޑުގެ ހިއްސާ އޮންނާނެ ލޯ ފާމެއްގައި" ކަމަށެވެ.

ޝިފާއު ޓްރައިބިއުނަލްގެ މެމްބަރުކަމަށް އައްޔަން ކޮށްފައިވަނީ 14 މެއި 2018 ގައެވެ.

ޖުޑީޝަރީ ކޮމިޓީ ނިންމާލުމުގެ ކުރިން މުގައްރިރު މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ކުރެއްވި ސުވާލަކަށް ޖަވާބު ދެއްވަމުން ޝިފާއު ވިދާޅުވީ ޓްރައިބިއުނަލްގެ މެމްބަރުކަމާއި ހަވާލުވެވަޑައިގެންނެވީ ލޯ ފާމްގައި އޮންނަ ހިއްސާ ދޫކޮށްލެއްވުމަށްފަހު ލޯ ފާމަށް ދޭން ޖެހޭ ލިޔެކިޔުންތައް ހަވާލު ކުރައްވާފައި ކަމަށެވެ.

އަޅުގަނޑު މަގާމާއި ހަވާލުވުމަށްޓަކައި އަޅުގަނޑު މި ލޯ ފާމްގައި އޮންނަ ހިއްސާ ދޫކޮށްލުމަށްޓަކައި އަޅުގަނޑު އެ ލޯފާމަށް ދޭންޖެހޭ ލިޔެކިޔުންތައް ހަވާލުކޮށްފައި އަޅުގަނޑު އެމަގާމާއި ހަވާލުވީ. ހަވާލުވުމަށް ފަހު ލޯ ފާމްގެ އެއްވެސް ކަމެއްގައި އެއްވެސް ހައިސިއްޔަތަކުން އަޅުގަނޑު ހަރަކާތްތެރި ނުވާނެކަން ވެސް އަޅުގަނޑު ފާހަގަ ކޮށްފައި. އަދި ހަމައެހެންމެ އެ ލޯ ފާމްގައި އެ ލޯފާމްގައި ހަރަކާތްތެރިވާ ފަރާތަކާއި އަޅުގަނޑު މާލީ ގޮތުންނާއި އެހެން ގޮތަކުން ވެސް މަސްލަހަތު އޮންނަ ފަރާތެއް ނޫންކަން. އެހެން ނަމަވެސް ރަހުމަތްތެރިކަމާއި ގުޅިގެން އަޅުގަނޑާއި ގުޅުން އޮންނަ ފަރާތަކާއި ގުޅުން އޮންނާނެ.
ޓްރައިބިއުނަލްގެ ރައީސް އަހުމަދު ޝިފާއު

ޝިފާއުގެ 50 ޕަސެންޓް ހިއްސާ އޮންނަ އެޑްވޮގާޑޯ ލޯ ފާމް ރެޖިސްޓަރ ކުރައްވާފައިވަނީ 2013 ވަނަ އަހަރުގެ މެއި މަހުގެ ތެރޭގައެވެ.

ޓްރައިބިއުނަލްގެ މެމްބަރުކަމާއި ހަވާލުވެ ވަޑައިގެންނެވުމަށްފަހު ލޯފާމުގެ ހިއްސާ ދޫކުރައްވާފައިވާ ކަމަށް ޝިފާއު ވިދާޅުވި ނަމަވެސް ރާއްޖެއެމްވީއަށް ލިބިފައިވާ އިކޮނޮމިކް މިނިސްޓްރީގެ "ޕާޓްނާޝިޕް ޕްރޮފައިލް އިންފޮމޭޝަން ޝީޓުން" އެނގޭ ގޮތުގައި އަދިވެސް އެ ލޯ ފާމުގައި ޝިފާއުގެ 50 ޕަސެންޓް ހިއްސާ އެބައޮތެވެ.

މިކަމާއި ގުޅިގެން ރާއްޖެއެމްވީއަށް ޝިފާއު ވިދާޅުވީ ޓްރައިބިއުނަލްގެ މެމްބަރުކަމަށް ވަޑައިގެންނެވުމަށްފަހު ލޯފާމްގެ ޕާޓްނާޝިޕުން ވަކިވާން މިދިޔަ އހަަރުގެ މެއި މަހުގެ 1 ވަނަ ދުވަހު ލޯފާމަށް އެޑްރެސްކޮށް ސިޓީ ހުށައެޅުއްވި ކަމަށާއި އިދާރީ ގޮތުން އެކަން ކުރިތޯ އަދި ނުކުރޭތޯ ނުބައްލަވާކަމަށެވެ. އަދި އެގޮތަށް ނުކުރެއްވީ ޓްރައިބިއުނަލްގެ ވަޒީފާއަށް ވަޑައިގެންނެވުމަށްފަހު "ފުލް ޓައިމްގައި" މަސައްކަތް ކުރައްވާތީ ކަމަށް ވިދާޅުވިއެވެ. އަދި މަސްލަހަތު ނޯންނާނެކަމަށް ވިދާޅުވީ ފަހުން ޕާޓްނާޝިޕްގެ ކަންތައްތަކާއި ނޫޅުއްވުނީތީ ކަމަށް ވިދާޅުވިއެވެ.

ނަމަވެސް މި މަސްތެރޭގައި އޭނާގެ ހިއްސާއެއް އޮތްތޯ ބެއްލެވި ކަމަށާއި ލޯފާމްގެ ޖަވާބަކީ ހިއްސާ ބަދަލުކުރަން އިކޮނޮމިކް މިނިސްޓްރީއަށް ހުށައަޅާފައިވާކަމަށް ކަމަށް ވިދާޅުވިއެވެ.

ޝިފާއުގެ އިތުރުން އެޑްވޮގާޑޯ ލޯ ފާމްގެ ހިއްސާ ދެން އޮންނަ ފަރާތުގެ ވެސް 50 ޕަސެންޓް ހިއްސާ އެކުންފުނީގައި އޮވެއެވެ.

ކޮންޓެކްޓެއް ކުރީ. މިމަސްތެރޭގައި އެކަންތައްތަކުގައި ކޮންޓެކްޓް ކުރީ. ކޮންޓެކްޓް ކުރި އިރު އެބޭފުޅުން ޕާޓްނަރުން ބަދަލުކުރަން އިކޮނޮމިކް މިނިސްޓްރީއަށް ހުށައަޅާފައިވާ ކަމަށް ދެންނެވި.
ޓްރައިބިއުނަލްގެ ރައީސް އަހުމަދު ޝިފާއު

މަޖިލީހަށް ދޮގު މައުލޫމާތު ދިނުމަކީ ޖިނާއީ ކުށެއްގެ ދައުވާ އުފުލޭ ކަމަކަށް ވާއިރު ބީއެމްއެލްގެ ޑެޕިއުޓީ ސީއީއޯ މުހައްމަދު ޝަރީފު ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ދޮގު މައުލޫމާތު ދިން ކަމަށް ބުނާ މައްސަލައިގެ ތަހުގީގު ކުރިއަށްގެންދިއުމަށް މަޖިލީހުން ވަނީ ނިންމާފައެވެ.

ޝިފާއު ވިދާޅުވީ އެކުންފުނީގެ ހިއްސާ މިހާރު ވެސް އޮންނަކަން މަޖިލީހުގެ ޖުޑީޝަރީ ކޮމިޓީއަށް އަންގާރަ ދުވަހު ވަޑައިގެންނެވިއިރު އެނގިނުލައްވާ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
7%
0%
29%
0%
64%
0%
ކޮމެންޓް
24 ޖުލައި 2019 | ބުދަ 12:41
ދޮން ހަސަނު
މި ބޭފުޅާގެ ވާހަކަތަކުން ކަނޑައެޅިގެން އެހަދަނީ ދޮގުކަން އިގޭ. މިފަދަ މީހަކު މިދަފަ ތަނެއްގެ ރައީސްކަމަށް ކީއްކުރަންތޯ މެމްބަރ ކަމަށް ބަހައްޓަންވެސް ހެޔޮނުވާނެ
24 ޖުލައި 2019 | ބުދަ 11:07
ބޯހަލާކު
ޝާފިއު އާއި ޝިފާއު އަކީ ދެމީހުން އެއީ ތިބުނާ ލޯފާމްގެ ދެ ހިއްސާދާރުން. ޝިފާއު އަށް ނިސްބަތްކޮށް ހަބަރުގެ ބައެއް ތަންތަނުގައި ޝާފިއުގެ ނަން ބޭނުންކޮފައި އެބަހުރި. ވަޒީފާއާއި ބެހޭ ޓްރައިބިއުނަލް އަށް ޝިފާއު ދިޔަޔަސް ޝާފިއު ނުޖެހޭނެދޯ ހިއްސާ ދޫކޮށްލާކަށް
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު