އައިއޯއައިޖީ 2019: ސީޝެލް އަތުން ރާއްޖޭގެ އަންހެން ވޮލީޓީމު ބަލިވެއްޖެ

ދިހަވަނަ އިންޑިއަން އޯޝަން އައިލޭންޑް ގޭމްސްގައި ރާއްޖޭގެ އަންހެން ވޮލީޓީމު ކުޅުނު ފުރަތަމަ މެޗުން ބަލިވެއްޖެއެވެ.

ރާއްޖޭގެ އަންހެން ވޮލީޓީމު ކުޅުނު ފުރަތަމަ މެޗުން ބަލިވީ ސީޝެލްއާއި އަތުންނެވެ. މި މެޗުން ރާއްޖެ ބަލިވީ ސީދާ ތިންސެޓުންނެވެ.

މެޗުގެ ސެޓުތައް ސީޝެލްސްއިން ގެންދިޔައީ 25-12، 25-12 އަދި 25-23 ހުންނެވެ. މި މެޗުގެ ފުރަތަމަ ދެ ސެޓުގައި ރާއްޖޭގެ ޓީމުގެ ފަރާތުން މާކައެދެވޭ ކުޅުމެއް ފެނިގެން ގޮސްފައެއް ނުވެއެވެ. ނަމަވެސް މެޗުގެ ތިންވަނަ ސެޓުގައި ރާއްޖެއިން ވަނީ ތަފާތު މޮޅު ކުޅުމެއް ދައްކާފައެވެ.

މެޗަށް ފަހު ވާހަކަ ދައްކަމުން ކޯޗު ސުނާން ބުނީ ކުޅުން ރަނގަޅު ކަމަށާއި، މެޗުން ބަލިވުމުގައި އިސްކޮޅުގެ މައްސަލަ ފާހަގަވި ކަމަށެވެ. މީގެ އިތުރުން އޭނާ ބުނީ ކުޅުންތެރިންނަށް ގޭމު ނަގައި ގަނެވުނީ މާފަހުން ކަމަށެވެ. އޭނާ ބުނީ ދެން އިން މެޗުގައި މި މެޗުން ހެދުނު ގޯސްތައް ރަނގަޅު ކުރާނެ ކަމަށެވެ.