މިހާރު ކުރިޔަށްދާ އިންޑިއަން އޯޝަން އައިލޭންޑް ގޭމްސްގައި މަޑަގަސްކަރައިގެ މައްޗަށް ފިރިހެން އަދި އަންހެން ބެޑްމިންޓަން ޓީމު ކުރިހޯދައިފިއެވެ.

އާދީއްތަ ދުވަހު ފިރިހެން ޓީމު ކުޅުނު މެޗުން މޮޅުވީ މަޑަގަސްކަރައާ ވާދަކޮށް 1-4 ގެ ނަތީޖާއަކުންނެވެ. ޓީމް އިވެންޓް ކުރިއަށް ދަނީ ސިންގަލްސް ތިން މެޗާއި ޑަބަލްސް ދެމެޗުކުޅޭ ގޮތަށެވެ.

މިގޮތުން ދިވެހި ފިރިހެން ޓީމު ވަނީ މިމެޗުގައި ކުޅުނު ސިންގަލްސް ތިން މެޗުވެސް ރާއްޖެއިން ވަނީ ކާމިޔާބުކޮށްފައެވެ. ނަމަވެސް ޑަބަލްސް ދެ މެޗުގެ ތެރެއިން ރާއްޖެއަށް ކާމިޔާބުކުރެވުނީ އެއް މެޗެވެ. އަނެއް މެޗުން ވަނީ ބަލިވެފައެވެ.

ސިންގަލްސް ފުރަތަމަ މެޗުގައި މަޑަގަސްކަރައާ ދެކޮޅަށް ރާއްޖެ ޓީމުން ނިކުތީ މުހައްމަދު އަޖުފާންއެވެ. އޭނާ ވަނީ ސީދާ ދެ ސެޓުން މެޗު ކާމިޔާބުކޮށްފައެވެ. ސެޓްތައް ގެންދިޔައީ 8-21 އަދި 12-21 އިންނެވެ.

ސިންގަލްސް ދެވަނަ މެޗުގައި މަޑަގަސްކަރައާ ދެކޮޅަށް ރާއްޖެ ޓީމުން ނިކުތީ ނިބާލް އަހުމަދުއެވެ. އޭނާ ވަނީ ދެ ސެޓު އެއް ސެޓުން މި މެޗު ކާމިޔާބުކޮށްފައެވެ. ފުރަތަމަ ސެޓް 16-21 އިން ނިބާލް ގެންދިޔައިރު، ދެވަނަ ސެޓް 19-21 އިން ގެންދިޔައީ މަޑަގަސްކަރައެވެ. ނަތީޖާ ނެރުމަށް ކުޅުނު ތިންވަނަ ސެޓް ނިބާލް ކާމިޔާބުކުރީ 17-21 އިންނެވެ.

ސިންގަލްސް ތިންވަނަ މެޗުގައި މަޑަގަސްކަރައާ ދެކޮޅަށް ރާއްޖެ ޓީމުން ނިކުތީ ނަޝީއު ޝަރަފުއްދީންއެވެ. އޭނާ ވަނީ ސީދާ ދެ ސެޓުން މެޗު ކާމިޔާބުކޮށްފައެވެ. ސެޓްތައް ގެންދިޔައީ 16-21 އަދި 10-21 އިންނެވެ.

ޑަބަލްސްގައި މަޑަގަސްކަރައާ ދެކޮޅަށް ފުރަތަމަ ރާއްޖެއިން ނިކުތީ އިބްރާހިމް ސާމިއު އާއި އަޖުފާންއެވެ. މި މެޗު ސީދާ ދެ ސެޓުން ރާއްޖެއިން ވަނީ ކާމިޔާބުކޮށްފައެވެ. ސެޓްތައް ގެންދިޔައީ 14-21 އަދި 14-21 އިންނެވެ.

ޑަބަލްސް ދެވަނަ މެޗުގައި މަޑަގަސްކަރައާ ދެކޮޅަށް ރާއްޖެއިން ނިކުތީ ނަޝީއު އާއި ނަޝްފާން މުހައްމަދެވެ. މި މެޗު ރާއްޖެއިން ވަނީ ސީދާ ދެ ސެޓުން ކާމިޔާބުކޮށްފައެވެ.

އާދީއްތަ ދުވަހު ކުޅުނު މެޗުން އަންހެން ބެޑްމިންޓަން ޓީމު މޮޅުވީ މަޑަގަސްކަރާ ވާދަކޮށް 0-5 ގެ ނަތީޖާއަކުންނެވެ. އެއީ ސިންގަލްސް ތިން މެޗާއި، ޑަބަލްސް ދެ މެޗެވެ.

ފުރަތަމަ ސިންގަލްސް މެޗުގައި މަޑަގަސްކަރައާ ދެކޮޅަށް ރާއްޖެއިން ނިކުތީ ފާތިމަތު ނަބާހާއެވެ. މި މެޗު ސީދާ ދެ ސެޓުން ރާއްޖެއިން ވަނީ ކާމިޔާބުކޮށްފައެވެ. ސެޓްތައް ގެންދިޔައީ 10-21 އަދި 14-21 އިންނެވެ.

ސިންގަލްސް ދެވަނަ މެޗުގައި ރާއްޖެއިން ނީލާ އަހުމަދު ނަޖީބެވެ. މި މެޗުންވެސް ރާއްޖެ މޮޅުވީ ސީދާ ދެ ސެޓުންނެވެ. ރާއްޖެއިން ސެޓްތައް ގެންދިޔައީ 14-21 އަދި 09-21 އިންނެވެ.

ސިންގަލްސް ތިންވަނަ މެޗުގައި ރާއްޖެއިން ނިކުތީ އާމިނަތު ނަބީހާއެވެ. މި މެޗުވެސް ރާއްޖެއިން ކާމިޔާބުކުރީ ސީދާ ދެ ސެޓުންނެވެ. ރާއްޖެއިން ސެޓްތައް ގެންދިޔައީ 10-21 އަދި 07-21 އިންނެވެ.

ޑަބަލްސް ފުރަތަމަ މެޗުގައި ރާއްޖެއިން ނިކުތީ ނަބާހާ އާއި ނަބީހާއެވެ. މި މެޗުވެސް ރާއްޖެއިން ކާމިޔާބުކުރީ ސީދާ ދެ ސެޓުންނެވެ. ސެޓްތައް ގެންދިޔައީ 17-21 އަދި 14-21 އިންނެވެ.

ޑަބަލްސް ދެވަނަ މެޗުގައި ރާއްޖެއިން ނިކުތީ ނީލާ އަދި މައިސާ ފަތުހުﷲ އިސްމާއިލްއެވެ. މި މެޗުވެސް ރާއްޖެއިން ކާމިޔާބުކުރީ ސީދާ ދެ ސެޓުންނެވެ. 09-21 އަދި 05-21 އިންނެވެ.