މެކްސްކޮމް އިން ޑެލް އީއެމްސީއާ ގުޅިގެން ވޯކްޝޮޕެއް ފަށައިފި
17 ޖުލައި 2019 | ބުދަ 07:35ހެނދުނު ނުވަޔަކުން މެންދުުރު 13:30 އަށް
ޑެލްއީއެމްސީން މައުލޫމާތު ދެނީ
ރާއްޖޭގައި ފުޅާދާއިރާއެއްގައި ކޮމްޕިއުޓަރުގެ ސާމާނުތައް ވިއްކާ މެކްސްކޮމް ޓެކްނޮލޮޖީސް އަށް 15 ފުރުމުގެ ގޮތުން ޑެލް އީއެމްސީއާ ގުޅިގެން ވޯކްޝޮޕް އެއް ފަށައިފިއެވެ.
ބުދަ ދުވަހު ހެނދުނު ނުވަޔަކުން ފެށިގެން މެންދުރު އެއްގަޑި ތިރީހަށް ހޮޓެލް ޖެންގައި ކުރިޔަށްދާ އެ ވޯކްޝޮޕް ގައި އަމިއްލަ ކުންފުނިތަކުގެ އިތުރުން މެކްސްކޮމް އިން ހިދުމަތް ހޯދާ ސަރުކާރުގެ ކުންފުނިތަކުގެ އިސް ފަރާތްތަކުން ބައިވެރިވެއެވެ. އެ އިވެންޓުގައި ބައިވެރިންނަށް މައުލޫމާތު ދެނީ ޑެލްގެ އެންމެ ފަހުގެ ޓެކްނޮލޮޖީސް އާ ބެހޭ ގޮތުންނެވެ.
ވޯކްޝޯޕް ކުރިޔަށްދާ ގޮތުގެ މައުލޫމާތު މީޑިއާ ހިއްސާ ކުރަމުން މެކްސްކޮމްގެ މެނޭޖަރ ޓެކްނިކަލް ސޮލިއުޝަންސް އަހުމަދު އިސްމާއިލް ވިދާޅުވީ، އެ އިވެންޓުގެ މަގްސަދަކީ ކަސްޓަމަރުން ބޭނުންވާ ފަދަ ''ސޯލިއުޝަންއެއް'' ފޯރު ކޮށްދިނުން ކަމަށެވެ.
އެ ވޯކްޝޮޕް ގައި މައުލޫމާތު ދެނީ ޑެލްއީއެމްސީގެ ސޭލްސް ޓީމުގެ ބޭފުޅުންނެވެ.
