ނަވާރަ ސަތޭކަ ނުވަދިހަ އެއްވަނަ އަހަރު ނެރުނު ސަދަކް ފިލްމުގެ ދެވަނަ ބައި ''ސަދަކް 2'' ފިލްމު ޝޫޓު ކުރަން އިންޑިއާގެ އޫޓީ އަށް ވަރަށް އަވަހަށް ދާނެ ކަމަށް އާލިއާ ބަޓް ބުނެފިއެވެ.
ސަދަކް 2 ޑައިރެކްޓް ކޮށްފައިވަނީ ސަދަކްގެ ފުރަތަމަ ފިލްމުވެސް ޑައިރެކްޓް ކޮށްފައިވާ އާލިއާގެ ބައްޕަ މަހޭޝް ބަޓްއެވެ.
ފިލްމުގެ ސްކްރިޕްޓުގެ ކަވަރ ފޮޓޯއެއް އަޕްލޯޑްކޮށް ފިލްމުގެ ޝޫޓިން އަށް އޫޓީ އަށް ދާން ތައްޔާރުވާ ކަމަށް އާލިއާ ވަނީ އިންސްޓަގްރާމް ގައި ބުނެފައެވެ. ރިޕޯޓްތައް ބުނާ ގޮތުން އޫޓީގައި ޝޫޓްކުރަން ހަމަޖެހިފައިވަނީ އާލިއާ އާއި އަދިތްޔާ ރޯއި ކަޕޫރްގެ މަންޒަރުތަކެވެ.
ފިލްމުގެ ފުރަތަމަ ބައި ޝޫޓް ކޮށްފައިވަނީ މޭ މަހުގެ ފަހުކޮޅު މުމްބާއީގައެވެ. މި ފިލްމުގައި އާލިއާގެ އިތުރުން ސަންޖޭދަތް، ޕޫޖާ ބަޓް، އަދިތްޔަ ރޯއި ކަޕޫރްގެ އިތުރުން އަކްޝޭ އަނަންދު ހަރަކާތްތެރިވެއެވެ.
ސަންޖޭދަތުގެ ރަންޒަމާނުގެ ދުވަސްވަރު އާލިއާގެ ދައްތަ ޕޫޓާ ބަޓްއާ އެކު ކުޅެފައިވާ ސަދަކް ހިމެނެނީ 1991 ވަނަ އަހަރު ބޮލީވުޑް ގައި ނެރުނު ފިލްމުތަކުގެ ތެރެއިން އެންމެ ކާމިޔާބު އެއް ފިލްމެއްގެ ގޮތުގައެވެ. ވަކިން ހާއްސަކޮށް ފިލްމުގެ ލަވަތައް ވެގެން ގޮސްފައިވަނީ އާއްމުންގެ ތެރޭގައި ވަރަށް ކާމިޔާބު ލަވަތަކަކަށެވެ.
