ރައީސް ނަޝީދު، އެމެރިކާގެ ކައުންޓަރ ޓެރަރިޒަމް ބިއުރޯގެ ޑެޕިއުޓީ ކޯޑިނޭޓަރާއި ބައްދަލުކުރައްވައިފި
މި ބައްދަލުވުމުގައި ދެފަރާތުގެ މަސައްކަތްތަކާއި ގުޅޭގޮތުން ވަނީ މަޝްވަރާކޮށްފައި
ސްޓޭޓް ޑިޕާޓްމަންޓުގެ ކައުންޓަރ ޓެރަރިޒަމް ބިއުރޯގެ ޑެޕިއުޓީ ކޯޑިނޭޓަރ އާއި އެކު ކުރެވުނު ބައްދަލުވުން
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު އެމެރިކާގެ ސްޓޭޓް ޑިޕާޓްމަންޓުގެ ކައުންޓަރ ޓެރަރިޒަމް ބިއުރޯގެ ޑެޕިއުޓީ ކޯޑިނޭޓަރ މިސްޓަރ ޖޯން ގޮޑްފްރޭއާ ބައްދަލުކުރައްވައިފިއެވެ.
މި ބައްދަލުވުން އޮތީ ބުރާސްފަތި ދުވަހު މެންދުރު 11:30 ގައި ރައްޔިތުންގެ މަޖިލީހުގެ އިދާރާގަ އެވެ.
މި ބައްދަލުވުމުގައި މަޖިލީހުގެ ރައީސްއާއެކު މަޖިލީހުގެ އަމީންއާމް އާއި ގައުމީ ސަލާމަތާ ބެހޭ ކޮމެޓީގެ މެމްބަރުންގެ އިތުރުން މަޖިލީހުގެ އިދާރާގެ ބައެއް ބޭފުޅުން ވަނީ ބައިވެރިވެވަޑައިގެންފަ އެވެ.
މި ބައްދަލުވުމުގައި ޓެރަރިޒަމާއި ދެކޮޅަށް ދެ ޤައުމު ގުޅިގެން މަސައްކަތްކުރާނެ ގޮތްތަކާއި ގުޅޭގޮތުން ވަނީ މަޝްވަރާކޮށްފަ އެވެ. އަދި ޤައުމުތަކަށް ޓެރަރިޒަމްގެ ނުރައްކާ އޮތް މިންވަރާއި ގުޅެގޮތުން މަޝްވަރާކުރައްވާފައިވެއެވެ.
