ކަޕް އޮފް ނޭޝަންސް: ޒަހާ ޖެހި ލަނޑާ އެކު އައިވަރީ ކޯސްޓް ކުއާޓާއަށް

އެފްރިކަން ކަޕް އޮފް ނޭޝަންސްގެ ރައުންޑް އޮފް ސިކްސްޓީން ގައި އައިވަރީ ކޯސްޓް އަދި މާލީ ބައްދަލު ކުރި މެޗު އައިވަރީ ކޯސްޓުން ކާމިޔާބު ކޮށްފިއެވެ.

މި މެޗް އައިވަރީ ކޯސްޓުން ކާމިޔާބުކުރީ 1-0 ގެ ނަތީޖާ އަކުންނެވެ.

މެޗު ފެށިގެން މާލީ އިން ގިނަ ވަގުތު ބޯޅަ ކޮންޓްރޯލް ކޮށް އައިވަރީ ކޯސްޓްގެ ގޯލަށް ވަނީ ގިނަ ހަމަލާތަކެއް ފޮނުވާލާފައެވެ.

މެޗުގައި އައިވަރީ ކޯސްޓްގެ ކުޅުންތެރިންގެ ފަރާތުން ގިނަ ފައުލްތަކެއް ވަނީ ފެނިގެން ގޮސްފައެވެ.

މަލީގެ ކުޅުންތެރިން ފޮނުވާލި ގިނަ ހަމަލާތައް އައިވަރީ ކޯސްޓްގެ ޑިފެންޑަރުން އަދި ކީޕަރުވަނީ ހުށިޔާރު ކަންމަތީ ދިފާއު ކޮށްފައެވެ.

މެޗުގެ 64 ވަނަ މިނެޓުގައި މާލީގެ އެޑެމާ އަށް ވަނީ ރަނުގެ ފުރުސަތެއް ލިބި ބޭކާރުވެފައެވެ.

މެޗުގެ 76 ވަނަ މިނެޓުގައި އައިވަރީ ކޯސްޓްގެ ޒަހާ ވަނީ ލަނޑު ޖަހާ އައިވަރީ ކޯސްޓައް ލީޑު ނަގައިދީފައެވެ.

މި ނަތީޖާއާއި އެކު އައިވަރީ ކޯސްޓުން ވަނީ މުބާރާތުގެ ކުއާޓާ ފައިނަލައް ދަތުރު ކޮށްފައެވެ.