ފެނަކަ ކޯޕަރޭޝަންގެ 2800 މުއައްޒަފުން ކޮރަޕްޝަނަށް ނޫނެކޭ ބުނެ އިގްރާރެއްގައި ސޮއިކޮށްފި
1 ޖުލައި 2019 | ހޯމަ 06:14ރާއްޖޭގެ 153 ރަށަކުން 2800 ފެނަކަ މުވައްޒަފުން އިގުރާރުގައި އެއްގަޑި އެއްގައި ވަނީ ސޮއި ކޮށްފައި
ފެނަކަ ކޯޕަރޭޝަންގެ މުވައްޒަފުން ކޮރަޕްޝަނަށް ނޫނެކޭ ބުނެ އިގުރާރުގައި ސޮއިކުރަނީ.. -
ހޯމަ ދުވަހު ހެނދުނު ބޭއްވުނު ހާއްސަ ރަސްމިޔާތެއްގައި އެ ކުންފުނީގެ ހުރިހާ މުއްޒަފުން ވަނީ ޒީރޯ ޓޮލަރެންސް ފޮރ ކޮރަޕްޝަން ގެ އިގުރާރުގައި ސޮއިކޮށްފައެވެ.
ރާއްޖޭގެ 153 ރަށަކުން 2800 ފެނަކަ މުވައްޒަފުން ވަނީ އިގުރާރުރަގައި އެއްގަޑި އެއްގައި ސޮއި ކޮށްފައެވެ.
ފެނަކަގައިގެ މައި އޮފީސް ކުރިމަތީގައި ހޯމަ ދުވަހު ބޭއްވި ހާއްސް ހަފްލާގައި ވާހަކަ ދައްކަވަމުން ފެނަކައިގެ މެނޭޖިންގެ ޑިރެކްޓަރ އަހްމަދު ސައީދު މުހައްމަދު އެބޭފުޅުން މުއައްޒަފަކު ކައިރީ ދުވަހު ވެސް ވައްކަމެއް ކުރުމަށް އަދި ރިޝްވަތެއްގައި ހިފުމަށް ނުބުނާނެ ކަމަށް ވިދާޅުވިއެވެ. އަދި ފެނަކައިގެ ހުރިހާ މުއައްޒަފުން ވެސް ކޮރަޕްޝަނަށް ނޫނެކޭ ބުނުމަށް އޭނާ ވަނީ ގޮވާލައްވައިފައެވެ.
ކޮރަޕްޝަނަށް ނޫނެކޭ ބުނެ ޒީރޯ ޓޮލަރެންސް ފޮރ ކޮރަޕްޝަން އަކީ ރައީސް އިބްރާހިމް މުހައްމަދު ސޯލިހް ގެ ސަރުކާރުގެ އެންމެ މުހިންމު އެއް ސިޔާސަތެވެ.
އެމަނިކުފާނު ވަނީ ސަރުކާރުގެ ކޮންމެ މަގާމެއްގައި މަސައްކަތް ކުރިޔަސް އެއްވެސް ބޭފުޅަކަށް ކޮރަޕްޝަނުގެ އެއްވެސް އަމަލެއް ކުރުމަށް ކުޑަވެސް ފުރުސަތު ނުދެއްވާނެ ކަމަށް ވިދާޅުވެފައެވެ.
