ހުރިހާ ފަނޑިޔާރުންގެ ފެންވަރު ބަލަނީ، ފަންނީ ލަފާ ހޯދާނެ!
25 ޖޫން 2019 | އަންގާރަ 04:27މިއީ ރާއްޖޭގައި މުޅިން އަލަށް ފަަށައިގަންނަ ކަމެއް
ޖޭއެސްސީގެ ޕްރެސްކޮންފަރެންސްގެ ތެރެއިން
ރާއްޖޭގެ ކޯޓުތަކެއްގެ ހުރިހާ ފަނޑިޔާރުންގެ ފެންވަރު ބަލަން ނިންމާފައިވާ ކަމަށާއި، އެކަމަށް ފަންނީ ލަފާ ހޯދާނެ ކަމަށް ޖުޑިޝަލް ސަރވިސް ކޮމިޝަނުން ބުނެފިއެެވެ.
ޖޭއެސްސީގެ ޑައިރެކްޓަރު ހަސަން ޒަހީން ވިދާޅުވީ ގާނޫނުގައި ބުނާ ސުޕްރީމް ކޯޓުގެ ފަނޑިޔާރުންގެެ ޝަރުތުތައް ހަމަވޭތޯ ބަަަަަަލަން ރައްޔިތުންްްްގެ މަޖިލީހުންް ޖޭއެސްސީގައި އެދިފައިވަތީ ހޯމަ ދުވަހު ބޭއްވި ކޮމިޝަންގެ 38 ވަނަ ޖަލްސާގައި އެކަމާ ބެހޭ ގޮތުންް މަޝްވަރާކުރެވިފައިވާ ކަމަށެވެ.
މިއީ ރާއްޖޭގައި މުޅިން އަލަށް ކުރާ ކަމަކަށް ވާތީވެ އެއްވެސް ފަނޑިޔާރަކު އިސްތިސްނާނުވާ ގޮތަށް ހުރިހާ ފަނޑިޔާރުންގެ ފެންވަރު ބަލަން ނިންމާފައި ވަނީ ފަންނީ ލަފާ ހޯދައިގެން ކަމަށް އޭނާ ވިދާޅުވިއެވެ.
ފަނޑިޔާރުންގެ މަސައްކަތުގެ ފެންވަރާއި ގާބިލުކަން ވަޒަން ކުރުމުގެ ގަވާއިދެއް އެކުލަވާލައި 2014 ވަނަ އަހަރު ވަނީ ގެޒެޓް ކުރެވިފައެވެ. އެ ގަވާއިދުގެ މަގްސަދުގެ ތެރޭގައި، ޝަރުއީ ދާއިރާ ހަރުދަނާ ކުރުމާއި، ރައްޔިތުންނަށް ފޯރުކޮށްދޭ ހިދުމަތު ފެންވަރު ރަނގަޅު ކުރުމާއި، ޚިދުމަތް ހޯދާ ފަރާތްތަކުގެ ޙައްޤުތައް އިންސާފުވެރިކަމާ އެކު ހޯދައިދިނުން ހިމެނެއެވެ. ފަނޑިޔާރުންގެ ފެންވަރު ބަލަން ޖޭއެސްސީން ނިންމުމުން ފަނޑިޔާރުންގެ ޖަމިއްޔާ އިން ވަނީ އެކަމަށް މަރުހަބާ ކިޔާފައެވެ.
އެ ޕްރެސް ކޮންފަރެންސްގައި ޒަހީން ވިދާޅުވީ، އެއްވެސް ފަނޑިޔާރަކާ ގުޅޭ ގޮތުން ކޮރަޕްޝަނުގެ މައްސަލައެއް ހުށައެޅި ފަނޑިޔާރުންގެ ސުލޫކަށް އަސަރުކުރާ ކަމެއް އޮތްތޯ ނުވަތަ ނެތްތޯ ބެލުމަށް މަޖިލީހުން އެދިފައިވާތީ، އެފަދަ މައްސަލަތައް ޖޭއެސްސީން ބަލަމުންދާ ގޮތަށް އެ މައްސަލަ ވެސް ބަަލަމުންދާނެ ކަމަށް މަޖިލީހަށް ޖަވާބުދީފައިވާނެ ކަމަށެވެ.
