ކ. މާލެ
|
24 ޖޫން 2019 | ހޯމަ 16:46
މަޑަވެލި ދާއިރާގެ މެމްބަރު ހުސެއިން ފިރުޝާން
މަޑަވެލި ދާއިރާގެ މެމްބަރު ހުސެއިން ފިރުޝާން
މަޖިލިސް
ޔުނިވާސިޓީތަކުގެ ބިލް
އެމްއެންޔޫއާ، އައިޔޫއެމްގެ ގާނޫނަށް އިސްލާހު ގެނައުމުގެ ބިލް މަޖިލީހުން ބަލައިގެންފި
 
މިދެ އިސްލާހު ބަލައިގެންފައިވަނީ 67 މެންބަރުންގެ އިއްތިފާގުން

ދިވެހިރާއްޖޭގެ ގައުމީ ޔުނިވާސިޓީގެ ގާނޫނަށް އިސްލާހު ގެނައުމުގެ ބިލާއި، ދިވެހިރާއްޖޭގެ އިސްލާމީ ޔުނިވާސިޓީގެ ގާނޫނަށް އިސްލާހު ގެނައުމުގެ ބިލް ރައްޔިތުންގެ މަޖިލީހުން ބަލައިގެންފިއެވެ.

ގައުމީ ޔުނިވާސިޓީގެ ގާނޫނަށް އިސްލާހު ގެނައުމުގެ ބިލް ސަރުކާރުގެ ފަރާތުން ހުށަހެޅުއްވީ މަޑަވެލި ދާއިރާގެ މެމްބަރު ހުސެއިން ފިރުޝާންއެވެ. އަދި މިއިސްލާހު ބަލައިގެންފައިވަނީ ވޯޓުގައި ބައިވެރިވެވަޑައިގެންނެވި 67 މެންބަރުންގެ އިއްތިފާގުންނެވެ.

މީގެ އިތުރުން އުނގޫފާރު ދާއިރާގެ މެމްބަރު މުހައްމަދު ވަހީދު ހުށަހަޅުއްވާފައިވާ ދިވެހިރާއްޖޭގެ އިސްލާމީ ޔުނިވާސިޓީ ގެ ގާނޫނަށް އިސްލާހު ގެނައުމުގެ ބިލް ބަލައިގެންފައިވަނީ 67 މެމްބަރުންގެ އިއްތިފާގުންނެވެ.

އެމްއެންޔޫގެ ގާނޫނުގައި އިސްލާހު ކުރަން ހުށަހަޅާފައި ވަނީ ކައުންސިލާ ބެހޭ ބާބަށެވެ. އެމްއެންޔޫ އާއި އައިޔޫއެމްގެ ޗާންސަލަރުކަމުގެ މަގާމަށް ބޭފުޅަކު އައްޔަންކުރުމާއި ވަކިކުރުމުގެ ގާނޫނީ ބާރު މިހާރު ލިބިގެން ވަނީ ރައީސުލްޖުމްހޫރިއްޔާ އަށެވެ. އަދި ޑެޕިއުޓީ ވައިސް ޗާންސެލަރު އައްޔަންކޮށް ވަކިކުރާނީވެސް ރައީސުލްޖުމްހޫރިއްޔާކަމަށް މިހާރު ޤާނޫނުގައި ބުނެފައިވާއިރު، އަލަށް ހުށަހެޅި އިސްލާހްގައި ބުނެފައިވާގޮތުން ޑެޕިއުޓީ ވައިސް ޗާންސެލަރު އައްޔަންކޮށް ވަކިކުރާނީ ޔުނިވަސިޓީގެ މަޖިލިހުނެވެ.

މި ދެ ބިލްވެސް މަޖިލީހަށް ބަލަައިގަނެ، ދިރާސާކުރުމަށް ފޮނުވާފައިވަނީ ގައުމީ ތަރައްގީއާއި ތަރިކައިގެ ކޮމިޓީއަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
100%
0%
0%
ކޮމެންޓް