"ޑޮން" ގެ ތިން ވަނަ ފިލްމެއް ނުހަދާނެ
26 ޖޫން 2019 | ބުދަ 08:20ފާއިތުވި ނުވަ އަހަރު ދުވަހުގެ ތެރޭގައި އެއްވެސް ފިލްމެއް ފަރްޚާން ޑައިރެކްޓް ކޮށްފައެއްނުވޭ
ފަރްޚާން އަޚްތަރު
ބެލުންތެރިންގެ މެދުގައި މަގްބޫލު ވެގެންދިޔަ ފިލްމް "ޑޮން" ސީރީސްގެ ތިންވަނަ ފިލްމެއް ނުހަދާނެ ކަމަށް ރިޕޯޓްތައް ބުނެފިއެވެ.
ރިޕޯޓްތައް ބުނާ ގޮތުން ޑޮން ސީރީސްގެ ޕްރޮޑިއުސަރުން ކަމަށްވާ ރިތޭޝް ސިދްވާނީ އާއި ފަރްޚާން އަޚްތަރު "ޑޮން"ގެ ތިންވަނަ ފިލްމެއް ހެދުމަށް އެހާ ބޮޑު ޝައުގުވެރިކަމެއް ނެތެވެ.
ފަރްޚާންގެ ގާތް ގުޅުމެއް އޮންނަ ފަރާތަކުން މައުލޫމާތު ދިން ގޮތުގައި މި ފިލްމުގެ ސްކްރިޕްޓެއް ވެސް ނެތް ކަމަށާއި ފިލްމެއް ތައްޔާރު ކުރުމުގެ ޚިޔާލެއް ވެސް ފަރްޚާންގެ ނެތް ކަމަށެވެ.
ފަރުޚާން މިވަގުތު އަވަދިނެތި މަސައްކަތް ކުރަމުންދަނީ އެކްޓިން އާއި މިއުޒިކްގެ ދާއިރާގައެވެ.
ފާއިތުވި ނުވަ އަހަރު ދުވަހުގެ ތެރޭގައި އެއްވެސް ފިލްމެއް ފަރްޚާން ޑައިރެކްޓް ކޮށްފައެއް ނުވެއެވެ. އޭނާ އެންމެ ފަހުން ޑައިރެކްޓްކޮށްފައިވާ ފިލްމަކީ 2011 ވަނަ އަހަރު ރިލީޒްކުރި ފިލްމް "ޑޮން 2" އެވެ.
ފަރްޚާން މިވަގުތު މަސައްކަތް ކުރަމުންދަނީ ސޮނާލީ ބޯސްގެ ފިލްމް "ދަ ސްކައި އިޒް ޕިންކް" ގައެވެ. މީގެ އިތުރުން އޭނާ މަސައްކަތް ކުރަމުންދަނީ ރާކޭޝް އޯމް ޕްރަކާޝް މެހެރާގެ ފިލްމް "ތޫފާން" ގައެވެ. މި ފިލްމުގެ މަސައްކަތްތައް ނިމޭނީ އަންނަ އަހަރު ފަހުކޮޅުގަ އެވެ.
