ކޮމިއުނިކޭޝަން މިނިސްޓްރީގެ ސްޓޭޓް މިނިސްޓަރު ކަމުގެ މަގާމުން މުހައްމަދު ޝާފީ އިސްތިއުފާ ދެއްވީ, ވުޖޫދުގައި ނެތް އެއްޗަކަށް ބިނާކޮށް ކަމަށް މިނިސްޓަރު އޮފް ކޮމިއުނިކޭޝާން ސައިންސް އެންޑް ޓެކްނޮލޮޖީ މުހައްމަދު މަލީހު ޖަމާލް ވިދާޅުވެއްޖެ އެވެ.
ޝާފީ ސްޓޭޓް މިނިސްޓަރު ކަމުން އިސްތިއުފާ ދެއްވީ، ކުރީގެ ރައީސް އަބްދުﷲ ޔާމީންގެ ސަރުކާރުގައި ކޮރަޕްޝަނަށް މަގުފަހިވާ ގޮތަށް ކުރިޔަށް ގެންދިޔަ ސޮފްޓްވެއާ ޕްރޮޖެކްޓެއް މި ސަރުކާރުން ކުރިޔަށް ގެންދާތީވެ ބުނެ އެކަމާއި ހިތް ހަމަނުޖެހުން ފާޅުކުރަމުންނެވެ.
ޝާފީގެ ތުހުމަތުތަކަކީ ތެދު ތުހުމަތެއްތޯ ރާއްޖެ.އެމްވީން ސުވާލުކުރުމުން މިނިސްޓަރު މަލީހު ވިދާޅުވީ، ޝާފީ އެ ދައްކާ ވާހަކަތަކަކީ އެއްވެސް އަސާސެއްގެ މައްޗަށް ބިނާކޮށް ދައްކާ ވާހަކަތަކެއް ނޫން ކަމަށާއި، އެއީ ސަރުކާރު ބަދުނާމު ކުރުމުގެ މަގްސަދުގައި ދައްކާ ވާހަކަތަކެއް ކަމަށެވެ.
މަލީހު ވިދާޅުވީ، އީދަށް ޗުއްޓީ ނެންގެވުމަށް ފަހު މުސާރަ ނުނަންގަވާ ގޮތަށް ޗުއްޓީއެއް ނެންގެވުމަށް ފަހު މޭމަހުގެ 30 އިން ފެށިގެން މި މަހުގެ 17 ހަމަޔަށް އޮފީހުން ޝާފީއަށް ގުޅަން ކުރި މަސައްކަތް ކާމިޔާބުވެފައި ނުވާ ކަމަށެވެ. އޮފީހަށް ވަޑައިނުގަންނަވާ ސަބަބުވެސް ބަޔާންކޮށްދެއްވާފައި ނުވާކަމަށްވެސް މަލީހު ވިދާޅުވިއެވެ.
ދެން ކުރިޔަށްދާނެ ގޮތަކާއި މެދު ރައީސް އޮފީހުގެ ލަފާޔަށް އެދިފައި އޮއްވާ އިސްތިއުފާ އެ ދެއްވީވެސް. އެހެންވީމާ އަޅުގަނޑުމެން ގަބޫލު ކުރަނީ އެ މަރުހަލާގައި ދެން ޖެހޭނީ ކަނޑާލަންތާ. ކުރިން ކީއްވެތޯކޮމިއުނިކޭޝަން މިނިސްޓަރު ~ މަލީހް ޖަމާލް ~
އިސްތިއުފާ ދެއްވަން ޖެހިވަޑައިގަތް ސަބަބަކީ ކޮރަޕްޝަންގެ ސަބަބުން ކަމަށްވާނަމަ ޗުއްޓީގެ ކުރިން އިސްތިއުފާ ނުދެއްވީ ކީއްވެގެންތޯ ކަމަށް ވިދާޅުވެ މަލީހު ވަނީ ސުވާލު އުފައްދަވާފައެވެ.
މިނިސްޓަރު މަލީހު ވިދާޅުވީ، އައިޖީއެމްއެޗް އަށް ބޭނުންވާ ސްފޮޓްވެއާ ހޯދުމާއި ބެހޭ ގޮތުން ފިނޭންސް މިނިސްޓްރީ އާއި ސިއްހީ ދާއިރާތަކާއި ގުޅުން ހުރި ފަރާތްތަކާއި އެކު މަޝްވަރާތަކެއް ކުރެވިފައިވާ ކަމަށެވެ. އެގޮތުން ސޮފްޓްވެއާ ޑިވޮލޮޕް ކުރާނެ ބަޔަކު ހޯދާނީ ބިޑަށް ހުޅުވާލައިގެން ކަމަށް މިނިސްޓަރ ވިދާޅުވި އެވެ.
