ފަތުރުވެރިކަމުގެ ސިނާއަތް ކުރިއަރުވަން ދިވެހި ފަންނުވެރިންގެ ހުނަރުގެ ބޭނުންކުރަން ޖެހޭނެ ކަމަށާއި އެކަމަށް ބޭނުންވާ އިންތިޒާމްތައް ހަމަޖައްސައިދެއްވާނެ ކަމަށް މިނިސްޓަރ އޮފް އަރޓްސް ކަލްޗަރ އެންޑް ހެރިޓޭޖް ޔުމްނާ މަޢުމޫން ވިދާޅުވެއްޖެއެވެ.
ސަގާފީ ހިރިގަލު ވަޑާން ކޯސް އިފްތިތާހްކުރުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުން، ހެރިޓޭޖް މިނިސްޓަރ ޔުމްނާވަނީ، މިނިސްޓްރީ އޮފް ޓޫރިޒަމާ ގުޅިގެން މި މަސައްކަތްކުރައްވާނެ ކަމުގެ ޔަގީންކަން އަރުވާފައެވެ.
މިނިސްޓަރގެ ވާހަކަފުޅުގައި އެކަމަނާ ވަނީ މާއްދީ ތަރިކަ ހިމާޔަތްކުރާގޮތަށް މައުނަވީ ތަރިކަ ހިމާޔަތްކުރަން ޖެހޭ ކަމަށް ކަމަށް ވެސް ވިދާޅުވެފައެވެ. އެގޮތުން މި މި ކޯހަކީ މި އަމާޒަށް ވާސިލްވުމުގެ ގޮތުން ކުރިއަށްގެންދާ ކޯހެއް ކަމަށް ވެސް ޔުމްނާ ވިދާޅުވިއެވެ.
ރާއްޖެއަކީ ދުނިޔޭގައިވެސް ހިރިގަލުގެ މަސައްކަތުގެ ހުނަރުވެރިން ތިބި ހަމައެކަނި ޤައުމުކަމަށާއި މިއީ ދިވެހިންގެ އަމިއްލަވަންތަ ފަންނެއްކަމަށް މިނިސްޓަރ ޔުމްނާ ވިދާޅުވިއެވެ. އެގޮތުން މި ޝަރަފު ދަމަހައްޓަން ޔުމްނާ ގޮވާލެއްވިއެވެ.
ސަޤާފީ ހިރިގަލު ވަޑާން ކޯހަކީ މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީސް (މަޓީ) އިން އިސްނަގައިގެން މިނިސްޓްރީ އޮފް އާޓްސް ކަލްޗަރ އެންޑް ހެރިޓެޖްއާއިއެކު ކުރިއަށްގެންދާ ކޯހެކެވެ. ދިހަ ބައިވެރިންނާ އެކު މި ކޯސް ކުރިޔަށް ގެންދާނީ ، މި ކޯސް ކުރިއަށްގެންދަނީ، ސަޤާފީ ހިރިގަލު ވަޑާމުގެ ތަޖުރިބާކާރެއްކަމުގައިވާ މުހައްމަދު އިމްރާން އަހްމަދެވެ.
