އޭސީސީ އާއި ބްރޯޑްކޮމް މިއަދު މަޖިލީހަށް ހާޒިރު ކުރަނީ!
19 ޖޫން 2019 | ބުދަ 09:02އޭސީސީ ހާޒިރު ކުރަނީ މިއަދު މެންދުރު 14:30 ގައި
އޭސީސީގެ މެމްބަރުން މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި
އެންޓި ކޮރަޕްޝަން ކޮމިޝަން (އޭސސީ) އާއި މޯލްޑިވްސް ބްރޮޑްކާސްޓިން ކޮމިޝަން (ބްރޯޑްކޮމް) މަޖިލީހުގެ މިނިވަން މުއައްސަސާތަކާ ބެހޭ ކޮމިޓީއަށް މިއަދު ހާޒިރުކުރާނެއެވެ.
އެ ދެ ކޮމިޝަންގެ މެމްބަރުން ހާޒިރުކުރަން ނިންމީ ހޯމަ ދުވަހުގެ ބޭއްވި މިނިވަން މުއައްސަސާތަކާ ބެހޭ ކޮމިޓީގެ މެމްބަރުންގެ އިއްތިފާގުންނެވެ.
އޭސީސީ ކޮމިޝަނަށް ހާޒިރުކުރަނީ ފާއިތުވި ފަސް އަހަރުގެ ތެރޭގައި ރައްޔިތުންގެ މެދުގައި ކޮމިޝަނުގެ ނަޒާހަތްތެރިކަމާ މެދު ސުވާލު އުފެދޭ އެތައް ކަންތައްތަކެއް ހިގާފައިވާތީ، އެކަމާ ގުޅޭ ގޮތުން ސުވާލު ކުރުމަށެވެ.
ބްރޯޑްކޮމް ކޮމިޓީއަށް ހާޒިރުކުރަނީ ފާއިތުވި ފަސް އަހަރު ދައުލަތުގެ މީޑިޔާ ސަރުކާރުން ހިސޯރުކޮށްފައި އޮތުމާއި، މިނިވަން މީޑިޔާތައް ހިންގުމަށް ކޮމިޝަނުން ހުރަސްއަޅާފައިވާތީ، އެކަމާ ގުޅޭ ގޮތުން ސުވާލުކުރުމަށެވެ.
