މަޓާޓޯ އިން ދެ ޓްރެއިނިންގ ޕްރޮގުރާމް ހިންގުމަށް ހަމަޖެހިއްޖެ
19 ޖޫން 2019 | ބުދަ 12:27ކޯސް ފެށުމަށް ހަމަޖެހިފައިވަނީ ޖުލައި މަހު
މަޓާޓޯއިން އިންތިޒާމްކުރި ގެސްޓްހައުސް ފޯރަމްގެ ތެރެއިން
މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއަރ އޮޕަރޭޓަރސް (މަޓާޓޯ) އިން ސްރީލަންކާގައި ހުންނަ މެކްއަރ ރެންސް އެންޑް ޖޯންސް އާ ގުޅިގެން ޖުލައި މަހު ދެ ކޯހެއް ހިންގުމަށް ހަމަޖައްސައިފިއެވެ.
މަޓާޓޯއިން ކުރިޔަށް ގެންދިޔުމަށް ނިންމާފައިވާ ދެ ކޯހަކީ ސޯޝަލް މީޑިއާ މާކެޓިންގ އެނޑް އޮންލައިން ބްރޭންޑިންގ އަދި ކަސްޓަމަރ ކޮމްޕްލެއިން ހޭންޑްލިންގް އެވެ.
މި ދެ ކޯހަށް ރަޖިސްޓްރީ ވުމުގެ ފުރުސަތު ވަނީ އާއްމުކޮށް ހުރިހާ ބޭފުޅުންނަށްވެސް ހުޅުވާލެވިފައެވެ. މަޓާޓޯގެ މެންބަރުންނަށް ހާއްސަ ޑިސްކައުންޓެއް ލިބޭ އިރު މަޓާޓޯގެ ކޯޕަރޭޓް ކުންފުނިތަކަށްވެސް ހާއްސަ ޑިސްކައުންޓެއް ލިބޭނެ ކަމަށް މަޓާޓޯއިން ހާމަކުރެއެވެ.
މަޓާޓޯއިން ވަނީ 2014 ވަނަ އަހަރުވެސް މެކްއަރް ރެންސް އެންޑް ޖޯންސް އާ ގުޅިގެން 60 ހަށްވުރެ ގިނަ ބައިވެރިންނާއެކު މީޑިއާ މާކެޓިންގ ޓްރެއިނިންގ ޕްރޮގުރާމްއެއް ކާމިޔާބު ކަމާއެކު ކުރިއަށް ގެންގޮސްފައެވެ. 2016 ވަނަ އަހަރުވެސް މަޓާޓޯ އިން ވަނީ މަޝްހޫރު ވާހަކަ ދެއްކުންތެރިޔާ އަދި ލިޔުންތެރިޔާ ޑރ. ޖޮއެލް ފްރީމެން އާއިއެކުވެސް ކާމިޔާބު ޕޮރްގުރާމެއް ހިންގާފައެވެ.
