އެމް7ގެ ރޯދަ ސުވާލު މުބާރާތުގެ ނަސީބުވެރިޔާ ހޮވައިފި

ރޯދަ މަހަށް ހާއްސަކޮށްގެން އެމް7 އިން އިން ސޯޝަލް މީޑިއާގައި ހުޅުވާލި ސުވާލު މުބާރާތުގެ ނަސީބުވެރިޔާ ހޮވައިފި އެވެ.

އެމް7 ބުކްޝޮޕާއި އެމް7 ޕްރިންޓްގެ ފޭސްބުކް ޕޭޖާއި ޓްވިޓަރ ހެންޑްލުން ކުރިއަށް ގެންދިޔަ މުބާރާތުގައި ރޯދަ މަހުގެ 29 ދުވަހުގެ ސުވާލަށް ރަނގަޅު ޖަވާބު ދިން ފަރާތްތަކުގެ ތެރެއިން ގުރުއަތުން ނަސީބުވެރިޔަކަށް ހޮވުނީ ށ. މާއުނގޫދޫ ފާތުމަތު ޝާމާއެވެ.

ނަސީބުވެރިޔާ ހޮވުން ބޭއްވީ އެމް7 ޕްރިންޓްގައި ހޮނިހިރު ދުވަހު އެވެ. މި މުބާރާތުގެ ނަސީބުވެރިޔާ ލިބޭ އިނާމަކީ އުމްރާ ދަތުރެކެވެ.

އެމް7 ފުރަތަމަ އުފެދުނީ މީގެ 24 އަހަރު ކުރިން ފޮޓޯކޮޕީ ޚިދުމަތް ދޭ ތަނެއްގެ ގޮތުގަ އެވެ. މިހާރު އެ ގްރޫޕްގެ ދަށުން އެމް7 ބުކްޝޮޕާއި ފޮޓޯކޮޕީ އާއި ޗާޕްގެ ވިޔަފާރިކުރާ، އަލްފަލާހު އާއި އެމް7 މީޑިއާ ހިމެނެ އެވެ.

އެމް7 އިން އަމިއްލައަށް ފޮތް އުފައްދައި ނެރެމުންދެ އެވެ. އަދި އެމް7 ޕްރިންޓްއަކީ ރާއްޖޭގައި އެންމެ ފުޅާދާއިރާއެއްގައި ޗާޕްގެ ހިދުމަތް ދެމުން އަންނަ ޗާޕްހާނާއެވެ.