'ދަ ސްކައި އިޒް ޕިންކް'ގެ ޝޫޓިން ނިންމާލައިފި

ބޮލީވުޑްގެ ފިލްމު "ދަ ސްކައި އިޒް ޕިންކް" ގެ ޝޫޓިން ނިންމާލައިފި އެވެ.

2018 ވަނަ އަހަރުގެ އޮގަސްޓް މަހުގެ ތެރޭގައި ޝޫޓިން ފެށި މިފިލްމުގެ ޝޫޓިން ނިންމާލާފައިވަނީ ދިހަ މަސް ދުވަހުންނެވެ.

"ދަ ސްކައި އިޒް ޕިންކް" ގެ ޝޫޓިން ނިމުނުކަން ހާމަކޮށް މިފިލްމުގެ ލީޑްރޯލުން ފެނިގެންދާ މަޝްހޫރު ބަތަލާ ޕްރިޔަންކާ ޗޯޕްރާ ވަނީ ވަނީ އޭނާގެ އިންސްޓަގްރާމުގައި އެ ފިލްމުގައި ހިމެނޭ ތަރިންނާ އެކު ނަގާފައިވާ ގްރޫޕް ފޮޓޯއެއް ލާފައެވެ. ފޮޓޯގައި ފިލްމްގެ ޑައިރެކްޓަރު ޝޮނާލީ ބޯސް އާއި ކޯ-ސްޓާރުން ކަމަށްވާ ފަރްހާން އަޚްތަރް ފިޔަވައި، ޒާއިރާ ވަސީމް އާއި ޕްރޮޑިއުސަރުން ވެސް ތިއްބެވެ.

ޕްރިޔަންކާ ބުނެފައިވަނީ މިފިލްމަކީ ތަފާތު އެކި ގޮތް ގޮތުން އޭނާއަށް ވަރަށް ހާއްސަ ފިލްމެއް ކަމަށެވެ. އެގޮތުން މިއީ އޭނާ ދައްކަން ބޭނުންވެފައިވާ ހަޤީޤީ ހާދިސާއެއްގެ ވާހަކަ ކަމަށާއި އޭނާގެ ދިރިއުޅުމުގެ ވާހަކަ މިފިލްމުން ފެނިގެންދާނެ ކަމަށެވެ. އަދި ފަރްޚާން އަޚްތަރަކީ ވަރަށް ވެސް ކުޅަދާނަ އެކްޓަރެއް ކަމަށާއި މިފިލްމުން ދެން ފެނިގެންދާ ޒާއިރާ ވަސީމާއި ރޯހިތް ޝަރަފްއަކީ އޭނާގެ ގާތް އެކުވެރިންގޮތުގައި މިހާރު ދެކޭ ތަރިން ކަމަށެވެ. އަދި މިއީ ވަރަށް އުނދަގޫ އެހެން ނަމަވެސް ވަރަށް ތަފާތު ތަޖްރިބާއެއް ކަމަށް އޭނާ ބުންޏެވެ.

އެހެންކަމުން މިފުރުޞަތު އޭނާއަށް ދިން ކަމަށްޓަކައި ޝޮނާލޯ ބޯސްއަށް ޕްރިޔަންކާ ވަނީ ޝުކުރުއަދާކޮށްފައެވެ.

މިފިލްމު ވެގެންދާނީ ވެގެން ދާނީ 2016ގެ ފަހުން ބޮލީވުޑްގެ ފިލްމަކުން ފުރަތަމަ ފަހަރަށް ޕްރިޔަންކާ ފެނިގެން ދާނެ ފިލްމަށެވެ.

އެންމެ ފަހުން ޕްރިޔަންކާ ފެނިފައިވާ ބޮލީވުޑްގެ ފިލްމަކީ "ޖެއި ގަންގާޖަލް" އެވެ.

ޝޯނާލީ ބޯސްގެ ވާހަކައެއްގެ މައްޗަށް އުފައްދާ "ސްކައި އިޒް ޕިންކް" ރިލީޒް ކުރުމަށް ހަމަޖެހިފައި ވަނީ މިއަހަރުގެ އޮކްޓޯބަރު މަހުގެ 11 ވަނަ ދުވަހުގައެވެ.