ނުކުޅެދުންތެރިކަން ހުންނަ މީހެއްގެ ފޮށި ފަޅާލައި ވައްކަންކުރި މީހާ ހައްޔަރު ކޮށްފި
5 ޖޫން 2019 | ބުދަ 23:19ވަގަށް ނެގި ފައިސާ ވަނީ ހޯދާފައި
އަމްނާ އިމާދު | 5 ޖޫން 2019 | ބުދަ 23:19
ފޮށިން ވަގަށްނެގި ފައިސާ ފުލުހުން ހޯދާފައި
ތ ތިމަރަފުށީގައި ނުކުޅެދުންތެރިކަން ހުންނަ މީހެއްގެ ފޮށި ފަޅާލައި ވައްކަންކުރި މީހަކު ހައްޔަރު ކޮށްފި އެވެ.
ފުލުހުން ބުނީ ރޭ ފަތިހު ކުރި މިވައްކަމުގެ ރިޕޯޓް ލިބުމާއެކު، ކުރިއަށް ގެންދިޔަ ތަހުގީގުގުން އެފައިސާ ހޯދާ ބުދަ ދުވަހު ވެރިފަރާތާ ހަވާލު ކޮށްފައިވާ ކަމަށެވެ. އަދި އެމީހާ ހައްޔަރުކޮށްފައިވާ ކަމަށް ފުލުހުން ބުންޏެވެ.
ހައްޔަރު ކުރި މީހާގެ އިތުރު ތަފްސީލެއް ފުލުހުން ހާމައެއް ނުކުރެއެވެ.
ފޮށި ފަޅާލައި ވަގަށް ނަގާފައިވަނީ 2،785 ރުފިޔާއެވެ.
ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
