އިސްލާމީ ގިނަ ގައުމުތަކުގެ ފޮރިން މިނިސްޓަރުންނާ، މިނިސްޓަރު ޝާހިދު ބައްދަލު ކުރައްވައިފި
1 ޖޫން 2019 | ހޮނިހިރު 17:22ރާއްޖެ އާއި އެގައުމުތަކުގެ ގުޅުން ބަދަހިކުރުމާ ބެހޭ ގޮތުން މަޝްވަރާ ކުރެއްވި
މިނިސްޓަރު ޝާހިދު، ފަލަސްތީނުގެ ފޮރިން މިނިސްޓަރާ ބައްދަލުކުރައްވަނީ
ރާއްޖޭގެ ފޮރިން މިނިސްޓަރު އަބްދުﷲ ޝާހިދު އިސްލާމީ ބައެއް ގައުމުތަކުގެ ފޮރިން މިނިސްޓަރުންނާ ބައްދަލުކުރައްވާ ރާއްޖެ އާއި އެ ގައުމުތަކާ ދެމެދު އޮންނަ ގުޅުން ބަދަހިކުރުމާ ބެހޭ ގޮތުން މަޝްވަރާ ކުރައްވައިފިއެވެ.
ފަލަސްތީނުގެ ފޮރިން މިނިސްޓަރ ރިއާދް އަލްމާލިކީއާ ބައްދަލުކުރައްވައި މިނިސްޓަރު ޝާހިދު ވަނީ އަބަދުވެސް ފަލަސްތީނުގެ ހައްގުގައި ރާއްޖެ އިން އަޑުއުފުލާނެކަމުގެ ޔަގީންކަން ދެއްވާފައެވެ.
ޖިބޫތީގެ ފޮރިން މިނިސްޓަރު މަހުމޫދު އަލީ ޔޫސުފްއާ މިނިސްޓަރު ޝާހިދު ވަނީ ބައްދަލުކުރައްވާފައެވެ. އަދި މިބައްލުކުރެއްވުމުގައި ރާއްޖެއާ އެގައުމާ އެކު އޮންނަ ގުޅުން އިތުރަށް ބަދަހިކުރުމާ ބެހޭ ގޮތުންނާއި، ޖިބޫތީ ފަދަ ކުދި ގައުމުތަކުން ޝައުގުވެރިވާ ދާއިރާތަކުގައި ގުޅިގެން މަސައްކަތްކުރުމާ ގުޅޭ ގޮތުން ފުޅާ ދާއިރާއެއްގައި ވަނީ މަޝްވަރާކުރައްވާފައެވެ.
މީގެ އިތުރުން މިނިސްޓަރު ޝާހިދު ވަނީ ޔޫއޭއީގެ މިނިސްޓަރ އޮފް ސްޓޭޓް ފޮރ ފޮރިން އެފެއާޒް އާއި މޮރޮކޯގެ މިނިސްޓަރ އޮފް ފޮރިން އެފެއާޒް އެންޑް އިންޓަރނޭޝަނަލް ރިލޭޝަންސް އާއި ކުވައިތުގެ ޑެޕިއުޓީ ޕްރައިމް މިނިސްޓަރ އަދި ފޮރިންގ މިނިސްޓަރ ޝެއިޚް ސަބާހް އަލް ޚާލިދު އަލްސަބާހާ ބައްދަލުކުރައިވައި ޚާރިޖީ ގުޅުންތައް އިތުރަށް ބަދަހިކުރުމާ ގުޅޭ ގޮތުން މަޝްވަރާކުރައްވާފައެވެ. އަދި ސެނަގާލްގެ ފޮރިން މިނިސްޓަރ އަމަޑައު ބާ ވެސް ވަނީ ބައްދަލުކުރައްވާފައެވެ.
އެ ގައުމުގެތަކުގެ މިނިސްޓަރުންނާ ބައްދަލުކުރައްވާ މިނިސްޓާރު ޝާހިދު ވަނީ ރާއްޖެ އާއި އެގައުމުތަކުގެ ގުޅުން ބަދަހިކުރުމާ ބެހޭ ގޮތުން މަޝްވަރާ ކުރައްވާފައެވެ. އަދި އެކުގައި ކުރެވޭ މަސައްކަތްތަކާ ބެހޭ ގޮތުން ވެސް މަޝްވަރާ ކުރެއްވިއެވެ.
މި ބައްދަލުވުންތައް އޮތީ ޖިއްދާގައި ކުރިއަށްދިޔަ އޯއައިސީ ކައުންސިލް އޮފް ފޮރިން މިނިސްޓާރސްގެ ބައްދަލުވުމުގެ ހަވާސާގައެވެ.
