ކާށިދޫ ފަރަށް އެރި ތެޔޮ ބާޖުން ތެޔޮ ލީކުވި ކަމުގެ މައުލޫމާތު ލިބިފައެއް ނެތް : އެމްއެންޑީއެފް
ތެޔޮ ލީކު ނުވާކަން އެމްއެންޑީއެފުންވެސް ކަށަވަރުކޮށްދޭ
ކާށިދޫ ފަރަށް އެރި ތެޔޮ ބާޖު: އެމްއެންޑީއެފުން ދަނީ ބާޖު ފުން ކުރުމުގެ މަސައްކަތް ކުރަމުން
ފިއުލް ސަޕްލައި މޯލްޑިވްސް (އެފްއެސްއެމް) ގެ ތެޔޮ ބާޖެއް ކާށިދޫ ފަރަށް އަރާފައިވާއިރު، އެ ތެޔޮ ބާޖުން މޫދަށް ތެޔޮ ލީކުވެފައިވާ ކަމުގެ މައުލޫމާތު މިހާތަނަށް ލިބިފައިނުވާ ކަމަށް އެމްއެންޑީއެފުން ބުނެފިއެވެ.
އެކަމާ ގުޅޭގޮތުން "ރާއްޖެއެމްވީ" އަށް މައުލޫމާތު ދެއްވަމުން އެމްއެންޑީއެފްގެ މީޑީއާ އޮފިޝަލު ވިދާޅުވީ، ތެޔޮ ބާޖު ފުން ކުރުމުގެ މަސައްކަތް އެމްއެންޑީއެފުން މިހާރުވެސް ކުރަމުންދާ ކަމަށާއި، މޫދަށް ތެޔޮ ލީކުވެފައިވާ ކަމުގެ މައުލޫމާތު މިހާތަނަށް ރިޕޯރޓްކުރެވިފައި ނުވާ ކަަމަށެވެ.
"މާތޮޅި" ނަމަކަށް ކިޔާ 100 ފޫޓުގެ މި ތެޔޮ ބާޖު ކާށިދޫ ހުޅަނގު ނެރު މައްޗަށް އުރިފައިވާއިރު، އެ ތެޔޮ ބާޖުގައި 27000 ލީޓަރުގެ ޕެޓްރޯލާއި، 180000 ލީޓަރު ޑީސަލް ބަރުކޮށްފައި ހުއްޓެވެ. އަދި ބާޖު ފުން ކުރުމަށްޓަކައި އެމްއެންޑީއެފުން އުޅަނދުގައި ހުރި ތެޔޮ ހުސްކުރުމުގެ މަސައްކަތް ކުރަމުންދާ ކަމަށް ވެސް ކައުންސިލުން މައުލޫމާތު ދީފައިވެއެވެ.
ތެޔޮބާޖު ކާށިދޫ ފަރަށް އަރާފައި އޮތް ނަމަވެސް ކާށިދޫ ގޮނޑުދޮށަށް ވެސް އެއްވެސް ވަރަކަށް ތެލުގެ އަސަރު މިހާތަނަށް ކޮށްފައިނުވާ ކަމަށް ކާށިދޫ ކައުންސިލުގެ ޒިންމާދާރުވެރިޔާ ވެސް ވަނީ "ރާއްޖެއެމްވީ" އަށް ކަށަވަރު ކޮށްދެއްވާފައެވެ.
ބުރާސްފަތި ދުވަހު އެ ހާދިސާ ހިނގި އިރު އުޅަނދުގައި ހަ ދިވެއްސަކު ތިބި ކަމަށާއި، މިހާތަނަށް އެއްވެސް ގެއްލުމެއް ލިބުނު ކަމުގެ މައުލޫމާތު ނުލިބޭ ކަމަށް އެމްއެންޑީއެފްއިން މައުލޫމާތު ދީފައިވެއެވެ.
