ސްޓްރީޓް ޑާންސަރ 3ޑީ ރިލީޒް ކުރުން ފަސްކޮށްފި
ފިލްމް ރިލީޒް ކުރުމަށް ނިންމާފައިވަނީ އަންނަ އަހަރުގެ ޖެނުއަރީ މަހުގެ 24 ގައި
ސްޓްރީޑް ޑާންސަރ 3ޑީ ޕޯސްޓަރ
ވަރުން ދަވަން އާއި ޝްރައްދާ ކަޕޫރު ލީޑް ރޯލުން ފެނިގެންދާ ފިލްމް "ސްޓްރީޓް ޑާންސަރ 3ޑީ" ރިލީޒް ކުރުން ފަސްކޮށްފިއެވެ.
ކުރިން މި ފިލްމް ރިލީޒް ކުރުމަށް ހަމަޖެހިފައިއޮތީ މިއަހަރުގެ ނޮވެމްބަރު މަހުގެ 8 ގައެވެ. ނަމަވެސް ފަހުން މި ފިލްމް ރިލީޒް ކުރުމަށް ނިންމާފައިވަނީ އަންނަ އަހަރުގެ ޖެނުއަރީ މަހުގެ 24 ގައެވެ.
ވަރުން ވެސް ވަނީ ފިލްމް ރިލީޒް ކުރާ ފިލްމްގެ ޕޯސްޓަރެއް ޓްވީޓް ކޮށް އަންނަ އަހަރުގެ ޖުމްހޫރީ ދުވަހާއި ދިމާކޮށް މި ފިލްމް ރިލީޒް ކުރާ ކަމަށް ބުނެފައެވެ.
ސްޓްރީޑް ޑާންސަރ 3ޑީ ގެ ކްރޫއިން މިހާރު ތިބީ ފިލްމްގެ ޝޫޓިންތައް ނެގުމަށްޓަކައި ޑުބާއީގައެވެ.
ބޫޝަން ކުމާރު، އަޕަރްޝަކްތީ ކުރާނާ އަދި ޝަކްތީ މޮހަން ޕްރޮޑިއުސް ކުރާ މި ފިލްމްގައި ވަރުން އާއި ޝްރައްދާގެ އިތުރުން ނޯރާ ފެތޭހީ، އަޕަރްޝަކްތީ ކުރާނާ އަދި ޝަކްތީ މޯހަން ފެނިގެންދާނެއެވެ.
