ފޯސްޓަރ ކްލާކްސްގެ ޑިސްޓްރިބިއުޓަރަކަށް ބީއެޗްއެމް
27 މެއި 2019 | ހޯމަ 08:19ބީއެޗްއެމް އިން ފޯސްޓަރ ކްލާކްސްގެ އުފެއްދުންތައް ރާއްޖޭގައި ވިއްކަން ފަށާފައިވަނީ މެއި 19 ވަނަ ދުވަހު
ފޯސްޓަރ ކްލާކްސް އާއި ބީއެޗްއެމްއާ ދެމެދު ސޮއިކުރުމުގައި ކުރުމުގެ ރަސްމިއްޔާތުގެ ތެރެއިން
ފޯސްޓަރ ކްލާކްސްގެ ޑިސްޓްރިބިއުޓަރަކަށް ބީއެޗްއެމް ހަޖައްސައިފިއެވެ.
ފޯސްޓަރ ކްލާކްސްގެ ޑިސްޓްރިބިއުޓަރަކަށް ބީއެޗްއެމް ހަމަޖެއްސުމުގެ ޕާޓްނަރޝިޕް އެގްރީމަންޓްގައި ވަނީ ސޮއިކޮށްފައެވެ. އެގްރީމަންޓްގައި ބީއެޗްއެމްގެ ފަރާތުން ސޮއިކުރައްވާފައި ވަނީ ސޭލްސް އެންޑް މާކެޓިންގ މެނޭޖަރ އިބްރާހީމް ޝަރީފްއެވެ. އަދި ފޯސްޓަރ ކްލާކްސްގެ ފަރާތުން ސޮއިކުރެއްވީ ފޯސްޓަރ ކްލާކްސްގެ ސޭލްސް މެނޭޖަރ ރޫހާން މާކްސްއެވެ.
ބީއެޗްއެމްގެ ބިޒްނަސް ޑިވަލޮޕްމަންޓް މެނޭޖަރ އިބްރާހީމް މައުމޫން ވިދާޅުވީ އެގްރީމަންޓްގައި ސޮއިކުރެވުމުން އުފާ ކުރައްވާ ކަމަށާއި ބީއެޗްއެމްގައި މިހާރު ވެސް އެކްސްކްލޫސިވް 30 ޕްރޮޑަކްޓް ގެންގުޅޭ ކަމަށެވެ.
ފޯސްޓަރ ކްލާކްސްގެ އުފެއްދުންތައް ރަސްމީކޮށް ރާއްޖޭގައި މޭ 19 ވަނަ ދުވަހު ވިއްކަން ފަށާފައިވާއިރު މާލެ އާއި ހުޅުމާލޭގައި ހުންނަ ބީއެޗްއެމްގެ ފިހާރަތަކުން އެ އުފެއްދުންތައް ލިބޭނެއެވެ. ފޯސްޓަރ ކްލާކްސް ބްރޭންޑުގެ ޖޫހުގެ އިތުރުން އެ ބްރޭންޑްގެ ޑެޒަޓްސް (ފޮނިކާ ތަކެތި)، ބޭކިން އެއިޑްސް (ކޭކު އެޅުމަށް ބޭނުން ކުރާ އުފެއްދުމެއް) އަދި ތަފާތު ބުއިންތައް ވަރަށް އަވަހަށް ތައާރަފް ކުރާނެ ކަމަށް ބީއެޗްއެމް އިން ވަނީ ބުނެފައެވެ.
ފޯސްޓަރ ކްލާކްސް ޖޫހަކީ އާންމުންގެ މެދުގައި ވަރަށް މަޤުބޫލް ޖޫހެކެވެ.
