ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ކުޅިވަރު - ލީރޯއި ސާނޭ

ސާނޭ ބަޔާންއަށް ބަދަލުވުމާ ގާތަށް

  • ސާނޭގެ އެއްބަސްވުން ހަމަވާނީ 2021 ވަނަ އަހަރު

ލީވާން އަލީ
MrLeevaan

ކ. މާލެ 25 މެއި 2019 | ހޮނިހިރު 19:41 2,709

ލީރޯއި ސާނޭ - ގެޓީ އިމޭޖާސް

މެންޗެސްޓާ ސިޓީއަށް ކުޅެމުން އަންނަ ޖަރުމަންގެ ވިންގާ ލީރޯއި ސާނޭ ބަޔާން މިއުނިކަށް ބަދަލުވުމާ ގާތަށް ގޮސްފައިވާ ކަމަށް ރިޕޯޓްތައް ބުނެފިއެވެ.

ގޯލްޑޮޓްކޮމްއިން ބުނީ، ކުރިޔަށް އޮތް ސީޒަނަށް އަމާޒުކޮށް ބަޔާނުން ސާނޭ ހޯދުމަށް މަސައްކަތް ކުރަމުން އަންނަ ކަމަށާއި، ސާނޭވެސް ބޭނުންވަނީ އެ ކްލަބަށް ބަދަލުވާން ކަމަށެވެ.

ސާނޭއަށް ޝައުގުވެރިވާކަން ބަޔާނުން ކަށަވަރު ކޮށްދީފައިވާއިރު، އޭނާ ހޯދުމަށް ބަޔާނުން ހުށަހަޅާނީ 80 މިލިއަން ޔޫރޯއަށް ވުރެ މަދު އަދަދެއް ކަމަށް ރިޕޯޓްތައް ބުނެއެވެ.

ސިޓީއާއެކު ސާނޭ ހަދާފައިވާ އެއްބަސްވުން 2021 ވަނަ އަހަރު ހަމަވާއިރު، އެ ކްލަބުގެ ކޯޗު ޕެޕް ގާޑިއޯލާ ދާދި ފަހުން ބުނީ، ކުރިޔަށް އޮތް ސީޒަނަށް ސާނޭގެ އެހީ ބޭނުންވާ ކަމަށެވެ.

ޝާލްކޭ އިން 2013 ވަނަ އަހަރުގެ ސީޒަނުގައި ކެރިޔަރު ފެށި ސާނޭ ވަނީ އެ ކްލަބަށް ކުޅުނު 57 މެޗުގައި 13 ލަނޑު ކާމިޔާބު ކޮށްފައެވެ. އޭނާ އެ ކްލަބް ދޫކޮށް ސިޓީއަށް ބަދަލުވީ 2016 ވަނަ އަހަރުގެ ސީޒަނުގައެވެ.

އެގޮތުން ސާނޭ ވަނީ ސިޓީއަށް މިހާތަނަށް ކުޅުނު 133 މެޗުގައި 39 ލަނޑު ކާމިޔާބު ކޮށްފައެވެ. އަދި އޭނާ ވަނީ އެ ކްލަބާއެކު ޕްރިމިއާ ލީގު ދެފަހަރު، ލީގު ކަޕް ދެފަހަރު އަދި އެފްއޭ ކޮމިއުނިޓީ ޝިލްޑް އެއް ފަހަރު ކާމިޔާބު ކޮށްފައެވެ.

މީގެ އިތުރުން ސާނޭ ވަނީ 2017 ވަނަ އަހަރުގެ ސީޒަނުގައި ޕްރިމިއާ ލީގުގެ އެންމެ ޒުވާން ކުޅުންތެރިޔާގެ މަގާމު ހޯދުމުގެ އިތުރުން ޖަރުމަން ގައުމީ ޓީމަށް މިހާތަނަށް 19 މެޗުގައި ތިން ލަނޑު ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 23 ގަޑިއިރު ކުރި | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް