ހޮނިހިރު 30 މެއި 2020
11 ރޯނު
1441 ޝައްވާލް 07
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:16
އިޝާ 19:33
އިމްރާން މުހައްމަދު (އިންމަ)

ފުޓުބޯޅަ ސީޒަނުގައި ނިއު ވާދަކުރާތަން ދެކެން ބޭނުން: އިންމަ

  • ނިއުއިން ކުރަމުންދާ މަސައްކަތަށް ފުރިހަމަ އެއްބާރުލުން ދޭނަން

ކ. މާލެ | 24 މެއި 2019 | ހުކުރު 19:04 | 3,179

ކީޕަރ އިމްރާން މުހައްމަދު (ވ) - ވީނިއުސް

ކުރިޔަށް އޮތް ފުޓުބޯޅަ ސީޒަނުގައި ވަގުތީ ގޮތުން ސަސްޕެންޑުކޮށްފައިވާ ނިއުރޭޑިއަންޓް ސްޕޯޓްސް ކްލަބް ވާދަކުރާތަން ދެކެން ބޭނުންވާ ކަމަށް އެ ކްލަބުގެ ކުރީގެ ކެޕްޓަން އިމްރާން މުހައްމަދު (އިންމަ) ބުނެފިއެވެ.

އިންމަ އޭނާގެ ފޭސްބުކްގައި ބުނީ، ނިއުއަށް މިހާރު ދިމާވެފައިވާ ހާލަތުން އަރައިގަނެ، ކުރިޔަށް އޮތް ފުޓުބޯޅަ ސީޒަނުގައި ވާދަކުރުމުގެ ފުރުސަތު ހޯދުމަށް އެޓީމުން ކުރަމުންދާ މަސައްކަތުގައި ފުރިހަމަ އެއްބާރުލުން ދޭނެ ކަމަށެވެ.

އެގޮތުން ދިވެހި ފުޓުބޯޅައަށް ލޯބިކުރާ ހުރިހާ އެންމެންވެސް ނިއުއަށް އެއްބާރުލުން ދިނުމަށް އިންމަ ވަނީ އެދިފައެވެ.

ނިއުއަށް މި ސީޒަނުގައި ކުޅެވޭނީ، އެ ކްލަބުން ކުޅުންތެރިންނަށް މުސާރައިގެ ގޮތުގައި ދޭންޖެހޭ 3.8 މިލިއަން ރުފިޔާ ދައްކާ ނިންމުމުން ނުވަތަ ނިއުއާ ދެކޮޅަށް އެ ކްލަބުގެ ކުޅުންތެރިން އެފްއޭއެމްއަށް ހުށަހަޅާފައިވާ މުސާރައިގެ މައްސަލަތައް އަނބުރާ ނެގުމުންނެވެ.

މައުލޫމާތު ލިބޭ ގޮތުގައި ނިއުއިން އަންނަނީ އެ ކްލަބާ ދެކޮޅަށް މައްސަލަ ހުށަހެޅި ކުޅުންތެރިންނާ މަޝްވަރާކުރަމުންނެވެ. އަދި އެ މައްސަލަތައް އަނބުރާ ނެގުމަށްވެސް ކްލަބުން އެދެމުންދާކަމަށް މައުލޫމާތު ލިބެއެވެ.

ނިއުއިން ވަނީ ޓީސީގެ ކުރީގެ ކޯޗު މުހައްމަދު ނިޒާމް (ނިޒާމްބެ) އާއެކު ރަސްމީކޮށް މަޝްވަރާތައް ފަށާފައެވެ. އެ ކްލަބުން ކުރިޔަށް އޮތް ސީޒަނަށް ތައްޔާރުވާން ފަށާފައިވަނީ ކުޅުމުގެ އުންމީދު އޮތުމުން ކަމަށް މައުލޫމާތު ލިބެއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.